يا الشمعة...(من الشعر الشعبي الجزائري)

[صبري]

انتي يالشمعة حدما درالك بالقراح
و لا درى ما تجرعي في ليلة
الغير تزينيلو الافراح وانتي فانية بدموعك هطيلة
انا ونيسك حتى للصباح نحكيو الاتنين على همومنا طويلة

مالي مالي ومال الشمعة
ما ضوت لي في ظلام
.. مالي مالي ومال السعد ما سقم لي ليام
سقم=عدل

حتى نصيب ما فرحني
نساني في ليام
اللي أمضى عني و راح
خبلني تخمام

خبلني التخمام= جنني التفكير

سقمي دام بيا وطال
بدل حلمي بأوهام

لا طالب و لا طبيب
عالج ليا الاسقام
نوم هاني يا ليل
أنا عليك عساس

اللي مبنيين على الخدع
حرمولي النعاس
ما تمناوه صار
قاموا اعليها الاعراس
من يدهم أشربت المرار
كاس يتبع كاس

بلا شفقه يا عيني ابكي
و دموعك زرات

من فيك ترسخ وصفو
عاد اعليك هراب
حليلك يا القلب اتكوا
لجمر فيك لهاب

حليلك = يا صبرك

الفرقه بعد الولف
ماكان كيفهم أصعاب

علاش كي اتونست بيك جاو
حسدوني فيك
ما عذروني ماذابوا
دوق لايبليك

روحي روحي يا العذراء
و أنسي من يبغيك
هذا حقنا من الله
كتبو اعليا و عليك

ضميري طاير فالرياح
ماعرفتو وين راح
حليل من حالو كي حالي
حليل = مسكين

ما عرف الانشراح
من هد الهموم يا وخيي
وخيي = اخي

انا باغي نرتاح
باغي = اريد

انهني جسمي العليل
ونعالج الجراح
نوب عليا يالله
نوبة تجي فصواب
من سؤال اللي طرحتو ما لحقولي بجواب
حتى الصحاب اللي ظنيت في وقت الضيق تنصاب
الي قصدتو للميعاد في وجهي غلق الباب

كمال مسعودي