🥐 باتيه الأفران الهش بحشوات مختلفة (جبنة أو شوكولاتة)

[الرهيب]

📝 المقادير:
• 3 كوب دقيق
• 2 معلقة كبيرة لبن بودرة (اختياري لكن بيفرق في الطراوة)
• 1 معلقة كبيرة خميرة فورية
• 2 معلقة كبيرة سكر
• ½ معلقة صغيرة ملح
• ¼ كوب زيت
• 1 بيضة
• 1 كوب حليب دافئ (أو أقل حسب ما العجينة تلم)
• فانيليا مع البيضة لو هتحشيه حلو

🧈 للوش:
• بيضة + نقطة لبن + فانيليا (لو الحشو حلو)
• سمسم / حبة بركة للتزيين

🧀 حشوات مقترحة:
• جبنة رومي أو بيضا أو موتزاريلا
• شوكولاتة خام أو نوتيلا
• زعتر + زيت زيتون
• سكر + قرفة

🍽️ الطريقة:
1. في بولة، اخلطي اللبن الدافئ مع الخميرة والسكر وسيبيه 10 دقايق لحد ما يخمر.
2. في بولة تانية، اخلطي الدقيق، اللبن البودرة، الملح، والزيت.
3. ضيفي البيضة وخليط الخميرة وابدئي في العجن، وكمّلي بالحليب الدافئ لحد ما تبقى عجينة طرية وبتلزق بسيط في الإيد.
4. غطي العجينة وسيبيها تخمر ساعة في مكان دافي.
5. افردي العجينة على سطح مرشوش دقيق، وقطّعيها مربعات أو دوائر، وحشي كل واحدة بالحشوة اللي تحبيها ولفّيها رول أو شكل مثلث.
6. رصّيهم في صينية عليها ورق زبدة أو مدهونة زيت، وسيبيهم يخمروا تاني 20 دقيقة.
7. ادهني وشهم بخليط البيض، ورشي السمسم أو حبة البركة حسب الحشو.
8. دخّليهم فرن سخن على 180 درجة حوالي 20 دقيقة أو لحد ما يحمروا !