🌹 # نصائح _تربوية🌹

[الرهيب]

🌟

*تنمية حب العمل للأبناء*
*كيف أنمِّي حب العمل ومتعته لدى أبنائي؟*
كما هو متعارف عليه عند تعليم الأبناء، يجب اتِّباع السُّلم التَّدريجي من خلال وضع
خطَّة لخبرات التعلُّم، التي نريد تحقيقها مع الطِّفل.

* ✿يمكن تقسيم خبرات التعلم إلى ثلاث مراحل أساسيَّة كالتَّالي:-*

*▪المرحلة الأولى:* *الأطفال أقل من خمسة أعوام*
في هذه المرحلة، عادة نجد الأطفال يقومون بمحاولة تقليد كل ما يرونه أمامهم من تصرُّفات أو تطبيق ما يسمعونه
*في هذه المرحلة يتم تطبيق التَّالي:*

*❁الاستعانة بالحكايات والقصص التي تتشكَّل في مخيلتهم:*
هنا تقدَّم النَّصائح لحب العمل للأطفال من خلال تجربة ممتعة ومشوِّقة تتمثَّل في قراءة القصص المصوَّرة عن حب العمل والتَّعاون ومتعة النَّجاح في تنفيذ الأهداف،لتتشكَّل لدى الطِّفل قصَّة حسيَّة متكاملة، حيث نجده يبدأ بالرَّغبة في أن يكون هو بطل القصَّة، ويبحث عن الطَّريقة التي تمكِّنه من مساعدة الآخرين، وهو بذلك يتعلم ما يستطيع أن يفعله ليقوم بمهمَّة ما.
*❁المسرحيَّات التعليميَّة:* مشاركة الأطفال في مسرحيَّة علميَّة مصغَّرة داخل المنزل أو بين الأصدقاء بقالب ممتع في سياق "قصة" تغرس قيمة العمل، فتشبع الرَّغبة في ممارسة اللعب للطِّفل، وتكسبه قوَّة هائلة للتَّثقيف والتَّأثير.
*▪المرحلة الثَّانية:* *الأطفال من عمر 5 أعوام إلى 7 أعوام*
بعد أن أصبح لدى الطِّفل مخزون واعٍ عن ماهيَّة العمل، والذي يقترن بدخوله للسَّاحة المدرسيَّة والاختلاط الاجتماعي، هنا يجب على الأم أن تعمل على تدريب الطِّفل على استكشاف متعة التَّعاون والالتزام بالأنظمة وكيفيَّة تطبيقها، حيث يكون الطِّفل بمثابة دخوله في مرحلة التَّجريب للاعتماد على النَّفس وإظهار شخصيَّته *، وذلك من خلال التَّالي:*

*❁المشاركة في المهام:* لتطبيق ما سبق من نجاح ومخزون، يجب على الطِّفل أن يعتاد على المشاركة في بعض الأعمال الصَّغيرة على حسب قدراته، كأن يكلَّف بمهمَّة ترتيب ألعابه، أو تنظيم أدواته المدرسيَّة، أو تنظيف حجرته، دون إجبار؛ حتى لا يشعر الطِّفل بأنَّ العمل عبء عليه، ولكن بمشاركة وتعاون الوالدين، ليجد الطِّفل متعة في العمل.
*❁وضع برنامج يوميّ منظَّم:*
عندما يشارك الطِّفل في أنشطة مختلفة ضمن برنامج نظامي يوميّ يتطلَّب الالتزام، فإنَّ ذلك يعلِّمه المسؤوليَّة والحرص من قبله على الانضباط، ويفضَّل وضع برنامج بمشاركة الطِّفل عن رغبته في كيفيَّة قضاء وقته بتخصيص وقت للدِّراسة ووقت للرِّياضة ووقت للتَّرويح عن النَّفس والاستمتاع بما يفيد.
*❁الثَّناء والتَّشجيع:* التَّحفيز الدَّائم للطِّفل وتشجيعه ليس فقط على تحقيق النَّتائج المرجوَّة، ولكن على إسهامه ومشاركته في أحد الأعمال لمساعدة الغير أو لإنجاز مهام كلِّف بها، الأمر الذي يضفي طاقة حماسيَّة على الطِّفل تزيد من ثقته بنفسه، وتجعله يستمتع بالنَّجاح وعبارات الثَّناء التي نالها بجانب المكافآت الماديَّة.
*▪المرحلة الثَّالثة:* *الأطفال من عمر 7 أعوام إلى 10 أعوام*
في هذه المرحلة، يجب خوض الواقع العملي، حيث يستخدم من خلالها الأبناء خبرتهم الغنيَّة بالتَّدريب والتَّوعية، والتي تؤهِّلهم للمشاركة المجتمعيَّة لتعزيز فهمهم للمفهوم العملي والنَّظري بتوفير فرص الاحتكاك والتَّفاعل لتعلُّم المعايير الاجتماعيَّة السَّائدة في فهم الآخرين ومساعدتهم وتشجيع رغبته في ذلك.
*من خلال التَّالي:*

*❁المشاركة التطبيقيَّة:* لغرس حب العمل وتطبيقه، على الوالدين إشراك الأبناء في العمل، بهدف تقبل المسؤوليَّة الاجتماعيَّة، وإتاحة الفرصة لممارستها في خدمة المجتمع كمشاركتهم بالمخيمات الصيفيَّة أو الدَّورات التدريبيَّة في النَّوادي والمراكز الثقافيَّة، ليشعر الابن بمكانته وقدراته ودوره الإيجابي، ولا مانع في مشاركتهم كذلك في الأعمال الخيريَّة البسيطة والجماعيَّة التي تشجِّعهم على العمل بشكل أكثر كفاءة، وتكسبهم تدريباً متميِّزاً ليحققوا أداء متميِّزاً.
*❁ اتِّخاذ القرارات:* السَّماح للأبناء في هذا العمر باتخاذ قراراتهم بأنفسهم تحت إشراف الوالدين والتَّوجيه، وذلك لإعطائهم دفعة لمواجهة قراراتهم واختياراتهم وتحمُّل نتائجها.
*❁الصُّمود والثَّبات:* قد يتعرَّض الابن للفشل في إحدى المهام العمليَّة، التي حاول إنجازها وسعى بكل ما يملك لإثبات نفسه فيها، ولكنَّه حظي بالفشل، هنا يجب على الوالدين توجيهه في كيفية استعادة جهوده بعد الفشل ببث التَّجارب الواقعيَّة للنَّجاح والفشل في العمل التي تعطي قوة معنويَّة له للصُّمود من جديد.

[الرهيب]

مُحدّدات نجاحك في تربية أولادك خمسة:

١. عاطفيًّا: بأن يحبّوك، و يأنسوا بالقرب منك، ويفتقدوا غيابك، ويخصّوك بأسرارهم، ويسعدوا لقدومك، ويسود البيت الوئام والتناغم.

٢. خُلُقيًّا: بأن تستقيم أخلاقهم في الجُملة، وليس معناه عدم الخطأ؛ بل قلّته.
ومن جميل أخلاقهم: الرجولة، والحياء، والعفة، والصدق، والمروءة، والتواضع.

٣.تعبّديًّا: بأن تسلم عقائدهم من الشّرك، و عبادتهم من الجهل و البدعة، ويستقيموا خاصّةً في أمر صلاتهم، ويأخذوا بحظٍّ وافر من القرآن.

٤. أَخويًّا: بأن تسود بينهم علاقة الإيثار والتكافل والتراحم والتضافر.

٥. عِلميًّا: بأن يحقّق كلٌّ منهم ما يطمح إليه، لا ما تطمح أنت إليه، بحسب رغباتهم وإمكاناتهم؛ فليس النجاح محصورًا على الأطباء والمهندسين.

اللّهمّ ربَّ لنا أولادنا؛ فإنّا لا نحسن تربيتهم.🌸

[الرهيب]

#رسالة_إلى_مراهق
#رسالة_إلى_مراهقة
#كيف_أتعامل_مع_غضب_أمي_الدائم
#كيف_أتعامل_مع_عصبية_أبي

أصدقائي وصديقاتي المراهقين والمراهقات..
لا يخفى عليكم ان احنا الكبار للأسف الشديد بقينا عصبيين زيادة عن اللزوم أحيانا.. وأحيانا بنطلع الغضب دا بشكل لا إرادي معاكم.. انهاردة انا عايزة اشرحلكم وجهة نظر بابا وماما واقترح عليكم تتصرفوا معاهم ازاي في حالة الغضب
بس خليني اعرفكم المعلومات الجاية

🔸#أولا: فترة المراهقة اللي انتوا بتمروا فيها بتخليكم انتو #حساسين جدا نتيجة تغير الهرمونات و دا في الصبايا والشباب

🔸#ثانيا: في فترة المراهقة دي بيكون عندكم ميل #للهزار والمزح اللي الكبار بيعتبروه سخافة او تقل دم. ونادراً ما بيضحكوا عليها

🔸#ثالثا: في فترة المراهقة بتكونوا عايزين مساحة اكبر من #الحرية عشان انتو شايفين انكم كبرتوا (ودي حقيقة)

🔸#رابعا: اخطاؤكم في مرحلة المراهقة بتكون #متكررة ورا بعض ما بتديش فرصة للكبار انهم يتعاملوا معاكم بدون انتقاد.. و الأخطاء دي بتكون نتيجة التسرع في أوقات كتير او للأسباب التلاتة اللي ذكرناها فوق دي

⁉️طيب انا ليه بقولكم الكلام دا.. عشان تعرفوا نفسكم وتفهموا تصرفاتكم دي جاية منين ولما تفهموا نفسكم هايبقى سهل عليكم انكم الى حد ماتسيطروا على بعض التصرفات او تقدروا توضحوها لبابا وماما

❓طب هل بابا و ماما مش عارفين الكلام دا؟

لا عارفينه بس خوفهم عليكم (اللي أحيانا بيكون زيادة شوية بصراحة) بيخليهم مش عارفين يتحكموا في اعصابهم.. وانا بدوري باشرح كتير كيفية بناء علاقة معاكم.. بس لأن العلاقة دي طريق ذو اتجاهين.. رايح جاي يعني.. فانتم كمان عليكم دور.. عليكم دور انكم تمدوا ايدكم لهم او تتقبلوا ايدهم الممدودة لكم.

💢 كيف تبني علاقة مع ماما و بابا:

1⃣الاحترام.. والحفاظ على الاحترام.. دي نقطة جوهرية جدا بتفرق كتييير في تعاملكم معاهم.. على الرغم اني متفهمة ان أحيانا مش بيكون قصدكم الصوت يعلى، او حركة الايد او حتى بعض المصطلحات اللي بتتبادلوها مع اصدقاءكم، لو بدر منكم أي من هذه التصرفات دون قصد (أو بقصد) فوراً توقفوا عن الكلام واعتذروا.. وقول اسف ما كنتش اقصد عدم احترام.. لان في المرحلة دي الاب والام بيهمهم كتير ان اللي اتربيتوا عليه من احترام يكون موجود وبيخافوا جدا وبيغضبوا جدا لو حسوا انكم بتتغيروا للاسوأ و دا حقهم.. #تخيل انت كدا زارع زرعة ومهتم بيها وفجأة لقيتها بتدبل او بتضيع منك. هاتخاف وتبتدي تحاول قصارى جهدك انك ترجعها مرة تانية تبقى كويسة عشان انت بتحبها وعشان تعبك.

2⃣في ساعة صفا فهموا بابا وماما (أو اللي بيقدر يتفاهم منهم) انه انت لما بتكون غضبان محتاج بس مساحة من الوقت وهاترجع تاني تتفاهم. وبالتالي لما توصل لمرحلة غضب وعشان نحافظ على علاقاتنا هاتستأذن وتقول طب بعد اذنكم هانتكلم بعدين.. لو بابا وماما مش من النوع اللي ممكن يتقبل دا.. ممكن تستأذن انك تروح الحمام قولهم ثانية رايح الحمام وجاي.. و روح او روحي اتنفسي او حتى لو عايزين تعيطوا عيطوا وفرغوا الشحنة وارجعو تاني

3⃣الحريات اللي بتطالب بيها قدامها مسؤولية كبيرة جدا، ما تفتكرش اننا الكبار بنعمل اللي احنا عايزينه طول الوقت.. أوقات كتيرة بنكون عايزين نقعد ما ننزلش الشغل وبننزل عشان الالتزام.. أوقات كتير بيبقى نفسنا ننام ساعة زيادة ومش بننام عشان ورانا مسؤوليات، أوقات كتير بنتعامل مع ناس نفسنا نقولهم اغربوا عن وجهنا بس بنتعامل عشان الاجتماعيات.. الحريات قدامها مسؤوليات فقبل ما تطلب حريتك اعرف مسؤوليتك

4⃣ بتسأل طب وانا ايه اللي جابرني على كدا ما انا اعتزل كل دا واقعد في اوضتي وليذهب الكوكب الى الجحيم.. معاك حق.. بس انت بتقول كدا دلوقت عشان انت غضبان من تصرفاتهم.. بس في النهاية لما تبتدي تهدى شوية هاتعرف ان الحياة دي مش لطيفة اوي.. ولا انت تستحقها ولا بابا وماما يتسحقوها وممكن نعيش بسلام اكثر

5⃣بابا وماما اللي مش بياكل معاهم الكلام دا. لما يلاقوك #بتحاول معاهم.. صدقني هايطمنوا ويبتدوا يمدوا ايدهم كمان فما تيأسش.. بل اقولكم حاجة.. هم نفسهم فاكرين انكم ما بيمشيش معاكم الكلام العاقل دا.. بس انا مؤمنة بيكم وبعقلكم

6⃣الرسايل ودي نقطة اتكلمت عليها امبارح.. الرسايل لو مش قادر تتواصل هايقرأوها ويديهم فرصة يفكروا ..قول بوضوح انت محتاج ايه

7⃣ بكرة هاكمل معاكم خطوات عملية ساعة الصراع.. واعرفوا ان بابا وماما بيقرأوا الكلام دا كمان .. يعني عايزين يبقى بينكم صداقة..وعلاقة مبنية على الاحترام.. فما تيأسوش..

🔴 على الرغم ان مرحلتكم العمرية مرحلة صعبة.. الا اني عارفة انكم شباب و بنات زي الورد.. تسروا القلب و العين.. و مؤمنة على الرغم من تقلباتكم المزاجية دي.. الا انكم طيبين و قادرين على التغيير اكثر من الكبار

القاكم غدا ان شاء الله

و على فكرة انا باحبكم جدا جدا جدا.. بدون ما اعرفكم كلكم.. ومساءكم سعيد..

دعاء صفوت🌸

[الرهيب]

كيف تتعاملي مع قلق طفلك في بداية العام الدراسي
الأسباب:
التغيير المفاجئ: الأطفال بيحبوا الروتين، وأي تغيير مفاجئ زي بداية المدرسة ممكن يسبب لهم توتر.
الخوف من المجهول: الأطفال ممكن يخافوا من المدرسة الجديدة، المدرسين الجدد، أو حتى الزملاء الجدد.
الضغط الأكاديمي: بعض الأطفال بيحسوا بضغط من فكرة الواجبات والدروس.
طرق الحل:
التحضير المسبق:
حاولي تزوري المدرسة مع طفلك قبل بداية العام الدراسي. خليهم يشوفوا الفصول، الملعب، وحتى الحمامات.
اتكلمي مع طفلك عن المدرسة بشكل إيجابي، واحكي لهم عن تجاربك الحلوة في المدرسة.
الروتين اليومي:
قبل بداية المدرسة بأسبوع، حاولي تعودي طفلك على مواعيد النوم والاستيقاظ اللي هيتبعها خلال العام الدراسي.
خلي الروتين اليومي يشمل وقت للعب، الدراسة، والراحة.
التواصل المفتوح:
اسمعي مخاوف طفلك بدون ما تقاطعيه. خليهم يعبروا عن اللي مضايقهم.
طمنيهم إنك دايمًا موجودة لدعمهم وإنهم مش لوحدهم.
اللعب التمثيلي:
جربي تلعبوا مع بعض دور المدرسة في البيت. خلي طفلك يكون الطالب وأنتِ المعلمة، أو العكس.
ده هيساعدهم يتعودوا على الأجواء المدرسية ويقلل من توترهم.
التشجيع على الصداقات:
لو تعرفي أطفال تانيين في نفس المدرسة، حاولي ترتبي لهم لقاءات قبل بداية المدرسة.
الصداقات الجديدة ممكن تخليهم يحسوا بالأمان والراحة.
التركيز على الإيجابيات:
اتكلمي مع طفلك عن الحاجات الحلوة اللي هيشوفها في المدرسة زي الأنشطة، الرحلات، والأصدقاء الجدد.
خليهم يحسوا بالحماس بدل من القلق.

[الرهيب]

#رسالة_إلى_مراهق
#رسالة_إلى_مراهقة

انت كبير.. صح؟
اسمع مني الكلمتين دول..
💢 عايزهم يعاملوك على انك انسان #كبير و بدون تحكم.. افهم ان العناد لن يزيد الامور الا سوءا
ولن يزيد والديك الا رغبة في السيطرة
مش لانهم متحكمين .. ولا عايزين يضايقوك و خلاص
اطلاقا..
هم بيحبوك
💢اينعم الحب دا بيكون بزيادة و بيكون معاه خوف و ممكن يكون معاه غضب من اسلوبك اللي ممكن من غير ما تقصد بيكون مفتقر الى الاحترام
بس في النهاية هم بيحبوك
و اعتقد على الرغم من شعورك بالغضب منهم و من تحكمهم و عنادهم قصادك.. الا انك في النهاية بتحبهم.. و الحب اشكاله كتيرة مش له شكل محدد و دا موضوع هانتكلم فيه في وقت لاحق

🔸عايزهم يعاملوك على انك #كبير .. كن #كبير ..اتعلم تتفاهم معاهم..
لو مش بيسمعوك اكتب رسايل.. وضح فيها اللي انت عايزه.. وضح فيها احتياجك بابسط الكلمات

🔹ابوك اللي بيزعق طول الوقت و مامتك اللي خايفة طول الوقت.. عايزين بس يفهموا لغة مشتركة معاك..

🔸اخرج من منطقة الصراع باحترام و قول #انا_اسف منفعل و مش قادر اتكلم
اخرجي من منطقة الصراع يا بنتي و قولي لماما بالراحة كدا.. معلش ياماما انا مش مزبوطة
انا من الناحية التانية باعلمهم انهم لما يسمعوكوا بتقولوا كدا يدوكم مساحة

🔹انتو محتاجين لغة مشتركة.. عشان الصدام دا يخف

🔸اكتب رسالة لماما و بابا انهاردة.. قول فيها عايز ايه.. حاسس بايه.. و سيبها..

حتى لو ما بانش عليهم التغيير .. هايجي يوم و كلامك يرن في ودانهم

لو عايزين تبعتوا لي الرسايل.. و انا انشرها.. كمان هاعمل دا..

بس #ابدأوا اتكلموا.. الغضب و العناد.. حقكم صحيح.. لكنه مش بيغير اي حاجة للاحسن اطلاقا.. و انتو مجربين بقالكم سنين..

#جربوا و مش هاتخسروا حاجة..و صدقوني انا واثقة فيكم جدا.. جدا

🔴 ملحوظة:
لو شفت الرسالة دي على بروفايل ماما او بابا.. اعرف انهم بيحاولوا يتواصلوا معاك بشكل افضل.. و دي دعوة منهم انك تكتبلهم رسالة..

🔴 ملحوظة للاهل:
اعملوا شير للرسالة و ما تعلقوش عليها. ولا تنتظروا منهم حاجة محددة.. و كملوا في مسيرة التعلم اكثر عن المراهقة لحد ما تلاقوا اللغة المشتركة دي

احبكم في الله

دعاء صفوت🌸

[الرهيب]

كلام مهم للأب اللي عنده بنت . . . 👇🏻
في اي سن مش بس في سن المراهقه
إحتياج البنت النفسي للحب والحنان والاهتمام تفوق أضعاف حاجة الولد، وده بيرجع لتركيبتها النفسية العاطفية ..
وعشان تٌشبع الإحتياج ده :🤌🏻💜

- سلّم عليها واحضنها يومياً وانت خارج أو وانت راجع البيت وقَبِلْهَا على جبينها كل يوم ...
دي بنتك حبيبتك والله مش عيب خالص ، كل يوم ❤️

. اسألها عن أحوالها ،تمارينها، دراستها، واتعرف على اهتماماتها، وحاول مشاركتها في أي لعبة ، شوفو فيديوز سوا ، هي مش محتاجة تقعد معاها أكتر من نص ساعة كل أسبوع ( نص ساعة بس ).

. فاجئها بهدية بسيطة جدا تفرحها (إسأل مامتها او اسألها) بتحب ايه ؟
( دباديب ، شوكولاتة، ألوان ، بوكلات للشعر ، ورد ، لبس، شوز ، وأي شيء تحبه أو تحتاجه )

. إبعتلها كل فترة رسالة فيها حُب وتشجيع على تصرف عملته، او صفة جميلة لاحظتها فيها، ممكن على تليفونها أو مكتوبة في ورقة بخط إيدك هتحس بحبك ماليها ومشبعها ومقويها ومزود ثقتها بنفسها واعتزازها بذاتها .

. اخرجوا لوحدكم بس خروجة مخصوص واعزمها على أكلة بتحبها ، وحلّوا بأيس كريم مثلا ولا عصير ، مرة واحدة في الشهر ( مرة في الشهر ) .
👌🏻♥️
. امدح أي شيء حلو فيها وعاكسها بكلام حلو ، ابتسامتها ،جمالها ، مشاعرها وحنانها ، شياكتها ، تسريحة شعرها، لبسها ،وانك فخور بيها كونها بنتك .
حتي لو مش عجبك لبسها او اي حاجة فيها مش تفضل تنتقد فيها ديما وتقارنها بالبنات انت كدة بتكسر ثقتها في نفسها ٠
٠ خليك اب حنين وهين علشان تفضل تحبك وتحب الكلام معاك ٠💙🤌🏻

. علاقتك بيها وبالأم بتأثر بشكل كبير على علاقة بنتك بزوجها في المستقبل ، فلو كانت علاقة حب وتقدير وتفاهم ، هتُبرمج نفسياً على أنها تعيش نفس التجربة الناجحة مع زوجها، كونك أهم وأول نموذج بتشوفه من الجنس الآخر، بدل ما تحاسب زوجها (لاشعوريا) وتاخد حقها وحق مامتها أو بسبب تقصيرك معاها فضلاً عن الإساءات..

👌🏻 وبكده هتبني لها مناعة وجدانية ووقاية نفسية، تغنيها عن تسول الحب والبحث عنه خارج البيت، وخاصة في مرحلة المراهقة

[الرهيب]

هستأذنكم فى حاجه
اقعدى مع إبنك او بنتك اليومين دول عشر دقايق إتكلموا....
و انا بدأت مع بنتى ♥️
قلت لها إن التُخن و الرفع...البياض و السمار...مش حاجه بنضحك عليها....
لو شفتى بنت شعرها مختلف عن شعرك و حبيتى تحكيلى...ما تقوليش دى مختلفه....قولى دى مميزه

مش التوكه و اللبس اللى بيخلوكى حلوه...انتى اللى بتزينى اللبس و تحلّى التوكه....هم حلوين علشان انتى لبساهم

أحلى حاجه فى جسمك...إنه شايل روحك الحلوه❤️

و اهم واحد لازم يشوفك حلوه.....نفسك

الشنطه الغاليه مش بتعمل قيمة للبنى آدم....البنى آدم هو اللى بيعمل قيمه للبراند....علشان هى اشياء...انما هو بنى آدم

ممكن طفل يروح المدرسه بشنطه جديده...و ممكن طفل تانى يروح المدرسه بشنطه قديمه...مش الشنطه اللى تخليه اشطر و اقرب لقب كل الناس♥️

الشنطه شىء و انت بنى آدم.....اكرم كائن خلقه ربنا...علشان عنده عقل بيميز...

كلام البنى آدم زى النحله الصغيره....الكلمه الحلوه زى العسل اللى بيطلع منها....طعمه حلو ....الناس بتحبه...بيطبطب ♥️

الكلمة الغلسه زى قرصة النحله...بتوجع صاحبها و تبعده عن كل الناس...بتكسره...بيبقى صعب يتصلّح...

الكلمة الوحشة بتوجع....التريقة بتوجع.....البنى آدم اللطيف اقرب لقلب الكل و انجح ♥️

احنا بنروح المدرسه نتعلم...ننبسط مع اصحابنا....نستمتع بهواياتنا....نعرف اكتر عن الدنيا....مش بنروح نتسابق...

اللى عايش طول عمره بيتسابق ...بيعيش طول عمره بينهج!.....مش بيلحق يبص حواليه و ينبسط...

احسن واحد مش اللى جاب اعلى درجه....احسن واحد اللى حاول و اشتغل.....

مش مهم ابقى احسن من حد...المهم ابقى احسن من نفسى امبارح...النهارده انا عارفه اكتر...سعيده اكتر....متطمنه اكتر...ده النجاح الحقيقى

كل واحد فى اصحابك شاطر فى حاجه.... ربنا لو اخد من حد حاجه بيديله حاجه غيرها...ساعات يديهاله فى نفس اليوم.. و ساعات يحوشله هدية اكبر ليوم بعيد

لما تحسى ان فيه حاجه مش عندك....اكتبى قدامها ٥ حاجات عندك و ما تقدريش تستغنى عنهم ♥️

العين اللى بتقارن ما تعرفش ترضى...و اللى مايعرفش يرضى ما يعرفش يفرح....

حسب عمر طفلك وصليله اللى يقدر يستوعبه... اخلقى عالم افضل فى المدرسه لأطفال كتييير ...و ريحى اهالى كتير المجتمع ضاغطها

ربنا يبارك فى الاولاد و يقوينا ♥️

[الرهيب]

حياتنا وولادنا مع دعاء صفوت:
واحدة من اصعب الحاجات في التربية واللي بتحتاج مجهود بجد.. هو انك تدربي اولادك على الاعتماد على النفس و الاستقلال.. ابتداءاً من انهم ياكلو لوحدهم من سن سنتين ونص تلاتة.. الى انهم يصحو لوحدهم الصبح ويلبسو و يفطروا ويحضروا سندوتشاتهم في سن اكبر شويتين..
ففي الواقع انهم يعتمدوا على نفسهم يعني انك تستحملي البطء الشديييييييييد و البهدلة و الصراعات الجانبية و نوبات الصداع والمغص و الاسهال (اللي مش حقيقي طبعا) اللي بتبدأ اول ما تقولي لولادك يعملوا حاجة
فجأة.. اصل انا دايخ اوي يا ماما الله يخليكي طبقيلي انتي لبسي.. انا جاي من المدرسة تعبان
او ماما بطني بتوجعني و مش قادرة اكل.. و طبعا دا عشان تيجي انتي تأكليها ام خمس سنين و شوية دي
او حالات الشلل اللي هاتصيبك لما تطلبي منهم يوضبوا اوضتهم وفجأة يتحولوا الى باحثين في علم الطبيعة و الظواهر الطبيعية فتلاقيهم سايبين الاوضة و بيتأملوا النملة بتمشي ازاي.. يا سبحان الله.. و ان الوان الحيطة بتاعة غرفتهم عايزة تتغير.. الفن و سنينه بقى

او حالات فقدان النطق اللي هاتصيبك لما تطلبي منهم يسخنو اكلهم في المايكرويف و ياكلو حاجة على ما تخلصي اللي في ايدك.. ففجأة يسألوكي هو المايكرويف بيسخن ازاي، طب هو ليه مش بنحط معدن في المايكرويف، طب هو المايكرويف اصلا فين، مين اشتراه.. ويبدأوا يمارسوا حبهم للفيزياء و الكيمياء

او بنتك لما تقوليلها تغسل طبقين في الحوض و تلاقيها عمالة تتأمل المية بتنزل ازاي من الحنفية و بتغسل الاطباق بحنية كريمة مختار الله يرحمها على ولادها في العيال كبرت..

او لو بيلموا السفرة، هاتلاقي الاطباق بقدرة قادر فيها لقمة واحدة .. و قاعدة في التلاجة، او اطباق فاضية ما عرفتش تروح الحوض لوحدها فقررت تعمل حفلة في ارضية المطبخ.. اصل ما لقيناش مكان نحطهم فيه..

والحل المثالي في الحالات اللي فوق دي كلها وغيرها وغيرها كتير اوي.. انك تقومي و تعملي انتي الحاجة بنفسك.. مهو انتي صحتك بالدنيا.. و هايجرالك حاجة من كتر ما هم بيشلوكي

فالصبح انتي تقومي تصحي و تحضري فطار و تاكلي و تشربي و تحطي الاكل في اللانش بوكس.. اللي هو كيس الاكل يعني.. و تلمي الشنطة و تتأكدي من وجود المقلمة و تتأكدي ان فردتين الشراب شبه بعض و ان رباط الجزمة مربوط و ان الشعر متسرح و ان ملف الواجب في الشنطة و علبة الهندسة في الشنطة و بعدين تتاكدي انهم ركبو الباص و لما يرجعو تلمي وراهم اللبس اللي بيتساقط في الطريق للاوضة و تقعدي تنادي على الاكل و تاكليهم او تقعدي معاهم و بعدين تطلعي الواجب و تحليه معاهم و تحضري العشا و تعشي و و و و و و

و بعدين تقعي من طولك..

ليه.. لانك استسهلتي و عملتي الشغلانة عنهم يا فندم

انا عارفة انه صعب.. و احدثك الان من ارض المعركة .. انا ابتديت اعلم علي و مريم اني الصبح مش هاعمل حاجة.. هم هايصحو ويلبسو و يحطو السندوتشات في الشنط و العصير و المية و هاينزلو بدون ما انا اعمل حاجة

فكركم دا امر سهل.. ابدا.. فكركم سهل على اعصابي.. اطلاقا.. انا اسهل لي اخلص دا كله في نص ساعة على اني اصبر ساعة ونص تقريبا و هم بيعملو الحاجات لوحدهم

ولكن انا فكرت.. لو في يوم لا قدر الله انا تعبانة و مش قادرة اقوم من السرير.. خلاص كدا الدنيا وقفت؟

لو في يوم اضطريت اسافر اي حتة في الكوكب لاي ظرف.. خلاص الدنيا وقف

و ظروف تانية كتيرة..

الى جانب اني اصلا فاهمة ان اساس و هدف التربية اني اعدهم انهم يعتمدو على نفسهم عشان الحياة الجاية قدامهم.. انا مش عايشة لهم. و مش مفروض اني افضل اعمل كل حاجة بنفسي.. اومال هم بيكبروا ليه..

و عليه..

قعدت معاهم في اجتماع جميل.. و قولتلهم من بكرة في تحدي.. و هو اني مش هاعمل اي حاجة الصبح.. و اللي يخلص يستحق نجمة.(النجمة دي تعادل عشر مكافات في نظام المكافات في البيت عندي.. يعني حاجة كبيرة اوي)
قولتلهم التحدي دا مش مسابقة مين يخلص اسرع.. يعني اللي هاينفذ هاياخد النجمة و يا سلام لو ساعدتو بعض كمان هاتبقى الحياة حلوة
التحدي يبدأ من النوم بالليل.. انتو الاتنين بتعرفوا تقروا الساعة كويس.. النوم لمريم تمانية مساءا و النوم لعلي تمانية و نص عشان بيصلي العشاء في المسجد.. انا لن اذكركم بموعد النوم
و لن اجهزكم له.. ولكن اذا مريم عايزة تسرح شعرها من بالليل و تعمله كعكة و تنام عشان تصحى الصبح حلو اوي.. و اللبس كله يجهز.. (واساسا في قاعدة عندي ان الشنطة تجهيزها عليهم و اللي ينسوا يحطوه بالليل يتحملوا عقابه في المدرسة لانه ممنوع اضافة اي شيء للشنطة المدرسية صباحا)
و الاستيقاظ على صوت المنبه انا لن اوقظ احد.. و استعدادات الصباح كلهم انتم.. السندوتشات معدة مسبقا او علي يعملها (لاني ابتديت اعلم علي يعمل سندوتشات وبيض و يساعد شوية في المطبخ) و العصير و المياة انتم تحطوها (هم كانو بيحطوها قبل كدا ولكن انا كنت اذكرهم بها)
كل هذا و الابتسامة على وجوهنا..