لعبة اوعود

[البحيري الاول]

ابيات متواضعه اسمحولها بالمرور

سيد الحبايب غاب له شهر وزود
وانا انتظر جيته في كل ليله...
ارسلت مكتوبي وما جاله اردود
وش عذره اللي ما يجاوب خليله
آثره مع غيري وأنا أقول بيعود
والوقت طال ولا لعودته حيله
ريقي نشف وضميت والعد مارود
ومن كان حاله حالتي عزتيله
نسى هوانا والهوى صار مفقود
من شان يرضي بو نفوس ذليله
وقف بوجهي وخنجر العشق مجرود
وانا محسب انه بوجهي يشيله
روح فمان الله لا تعود لا تعود
وأبعد ودربي لا تحاول تجيله
ان كان قصدك تشعل الدار بارود
فانا الذي ما عذرت فيه خيله
وان كان قصدك حبنا لعبه أوعود
فانا نسيته وانتهى عزتيله..!

وسلامتكم

[أبو عماد]

الله يسلمك و صح لسانك
بصراحة في غاية الرقة و الجمال

بانتظار المزيد يا مهندس الكلمة

[ح ـلــم]

صح لسانكـ وعلا شانكـ

[البحيري الاول]

الاستاذ ابو عماد صح بدنك
و شاكر مرورك ياغالي

[البحيري الاول]

حلم صح بدنك
اسعدني مرورك

[abuzeed]

أخي البحيري جبت لك علم وردود
ومن لا يعرف الحب يا عزتيله

زمان كان الخير في الناس موجود
واليوم خلٍ ما يقدر خليله

لا صار ذاك الحب والود مفقود
وش فايدة كثر الغزل من قليله

وانا ادعي الله كل ما هبت النود
يغفر لنا ذاك الذنوب الثقيله

وسلامتكم

[البحيري الاول]

abuzeed سلمت وصح السانك ياغالي
شاعر مبدع
شاكر مرورك وعذرا على التاخير

[abuzeed]

العفو يا ولدي حفظك الله ورعاك