ابكي من الفرقا وهي مابعـد جـات ..!

[رهف الكويت]

ليه المسا عوق الشقـاوي وطبّـه؟
وليه الهبوب تصحي القلب لا بـات؟ ..!

وليه القمر يدعي جريـح المحبّـه؟
ويقول له يا هيه..ما فات ..ما مات ..!

جرحك ظهر لو قلـت للوجـه خبّـه
وللحزن في ضحكك رسوم وعلامات ..!


وليه المطر بالذات ريحـه.. وصبّـه
كنّه رسول بيـن الاحبـاب بالـذات ؟..!

اشتـاق فيـه لشوفتـك واتنـبّـه
للي نسيته مـن مواقـف ونظـرات ..!

لا استانس الخافق ذكر مـن يحبّـه
ورجع يراجع فالوناسات مـا فـات ..!


يا مرتـع القلـب الحزيـن ومربّـه
يزيين بك مثل الذهب صدر الابيـات ..!

هيهات ينسى القلب شخـص ٍ لعبّـه
وهيات يدله خاطري منـك هيهـات ..!

نبع الغلا عنـدك وعنـدي مصبّـه
ومن الولا .. في خافقي لك ..ولاياات ..!

وطيفك حطب عيني..وعيني مشبّـه
والشوق برد ٍ ما انقطع لو للحظـات ..!


ومكانك الصدر ولـك القلـب شبّـه
بين الظلوع اللـي فردهـا التنهـات ..!


ولك بيـرق ٍ فالقلـب حبـك يهبّـه
شامخ ولا هزه من العـذل غـارات ..!


محبتـك فالوقـت ذا مـا تشـبّـه
الا بخيمـة بـدو بيـن العـمـارات ..!

ان شفتني ضايق واهوجس واسبّـه
اخاف غدر الوقت.. والوقـت دورات ..!


لا تحسب ان دمعي نـزل دون سبّـه
ابكي من الفرقا وهي مابعـد جـات ..!

[اهلاوي مووت]

صحي لسانك اختي رهف الكويت ..
من اول مشاركه رائعه ..
يسلمووو ..
وبأنتظار قلمك الذهبي ..
وحياك الله في منتديات بني بحير بلقرن

تقبل مروووووووري

[بنت الجنوب]

/*/*/ رهف الكويت/*/*/

لا شلت يمينك على القصيده الرائـعـه

الله لا يحرمنــا من ابـداع قلـمك الممـيز

في انتـظار ما ستسطره لنـا ريشـة قلمك الرائــع

[#الوفاء طبعي#]

رااااااااائعة رهف الكويت ....
وحياك الله بيننا .. بين اهللك واحبابك ....
تقبلي مروري