بالصور : طريقة عمل مخدات السويتز/..وتورتيلا هرفي

[اسيرالشوق]

نقره على هذا الشريط لتكبير الصورة

التورتيلا /

طريقة العجينة: (المقادير بشكل تقريبي)

في الخلاط: - كاس ماء
- 3م حليب
- 3م سكر
- 1م خميرة
- 6م شطة (حرارتها بسييطة.. ولو ما بغيتيها حارة استبدليها ب 3م صلصة)
- 1م.ص p.p
- 1م.ص زيت
- رشة ملح (عني أحب يبين طعم الملح في العجينة)
- ولو بغيتي جبنة كيري

أضيفي ع الخليط :

2م بقدونس مفروم
شوية فلفل رومي أحمر مفروم صغير (أنا أخلطه في آلة تقطيع البصل)
2 كاس دقيق

-أهم حاجة لا تحطون البقدونس مع الخليط في الخلاط عشان ما يتلون بالأخضر-

بعدين اعجنيها، أنا اتذكر طلعت معي سااايلة فأضفت دقيق زيادة
العجينة رح تكون لينة مرةة
اتركيها تتخمر ساعة
بعدين لو عندك هذي الآلة استخدميها أفضل في النتيجة وأررريح

طبعا حطي كورة وحدة وفي النص ..
ولا تطولين كابسة عليها، تقريبا 10 ثواني.. لأن اهم شي تكون طرية .. وبعدين حطيها ف حافظة ..

أنا ما عندي ف كوّرت العجينة كور متوسطة وفردتها حتى صارت رقييقة وحطيتها في المقلى وأهم شي ما تطوّل وأقلبها، وبعدين أحطها في حافظة .
حطيها ف الفريزر لحين الحاجة ..

الحشوة:

برجر دجاج بالبقسماط
شريحة جبن
شريحة خس
شريحة طماطم
(البرجر والجبنة يقطع 4اجزاء ويستخدم جزء في كل حبة)
- وتدهن الخبزة بمايونيز وخردل (أنا خلطت مايونيز وخردل وصلصة فرنسية عطتها نكهة تجنن، وأضفت شوي من صلصة البروست الحارة من كنور)

مخدات السويتز /

مرة لذيذ وبسيط إلاااا وقت تلصيق الأطراف ببعض ،
حشيتها جبن شيدر مع قطع فلفل رومي ،
والسر في اللذاذة هو اني غطيتها بخلطة البروست الحارة من كنور بعد الغمس في البيض .

جيبي السويتز وقصيها ثلاث أجزاء و احشي كل جزء بملعقة من (جبن شيدر مبشور مع قطع صغيرة فلفل رومي)
و اطويها زي الشكل اللي شفتيه ولصقيها ب (دقيق وشوي مويه)
طبعا هالشي أكره حاجة عندي لأني أمسكها شوي لحد ما تلصق وتاخذ وقت، لو عندك خدامة خلي هالشغلة عليها
حطيها في الفريزر متفرقة وإذا احتجتيها طلعيها واغمسيها في بيض وبعدين في (خلطة البروست الحار من كنور) لا تكثرين من الخلطة واقليها ،
الغمس مو ضروري بس حركة حلوة تخلي الطعم وااو ومقرررمش

وباالعـــــــــــــــافيـــــــــــــــهـ.. .

[شذى الجنوب]

مشاركة طيبة ..... وبجربها انشاء الله

[بنت الجنوب]

تسلم ايديك

[اسيرالشوق]

المشاركة الأصلية كتبت بواسطة بنت النور

مشاركة طيبة ..... وبجربها انشاء الله

جربيها ومنتي خسرانه
شكرا على المرور

[اسيرالشوق]

المشاركة الأصلية كتبت بواسطة بنت الجنوب

تسلم ايديك

ويداك وشكرا على المرور
المتواضع