الساحل موهوب بلحيل

[الساحل]

قالوا تحبه قلت ماهوب بالحيل
بس انه اغلا شوي من نور عيني

يسوى جميع الجيل الاول وها الجيل
واحبابي الماضين والمقبليني

شوقي له اعظم من ظمى الارض للسيل
واشفق عليه اكثر من ام الجنيني

واحتاج له حاجة ثرى مصر للنيل
وعليه اغار اكثر من الوالديني

اشتاق له شوق المحبين لليل
وارتاح له راحت دموع الحزيني

لاصار جنبي لو سنه وقتي بخيل
ولو غاب لو لحظه صارت سنيني

قالوا يحبك قلت هذا هو الويل
ماودي انشد ثم رفضه يجيني

واهدم رجاي بدبرتي مثل ماقيل
والأفضل احيا بالامل لو لحيني

ياحبكم ياناس للقال والقيل
الله يجازي جملت العاذليني

خلوني احيا في الوهم يالعواذيل
وش دخلكم والامر بينه وبيني

الساحل

[أغليكـ]

+++

الف شكر لك .. ][ ][ ..

مبدع دائما واصل نريد المزيد .. ][ ][ ..

لا تحرمنا جديدك .. ][ ][ ..

+++



۩♥۩ أًٍغٍليًكـًٍ ۩♥۩

[دايم الشوق]

ان كان دمعي تاه في وسط العين ...خلي عيوني وادمعي ياسحابه ...ولاتعالي بين الاهداب تكفين ...كافيني موت بها الورق والكتابه

[وائل الغامدي]

الساحل أبدعت فيما قرأته تقبل مروري المتواضع ودمت من إبداع إلى إبداع

[عون البحيري]

مبدع ومتألق
ولا تحرمنا جديدك فنحن تواقين للاسترخاء على ضفاف (ساحلك) الثري بالتميز ...... تقبل مروري..