ثــمــن كلامك

[بنت الجنوب]

بعض البشر لامن حشمته طمع فيك . .
وبعض البشر . . لامن جفيته يودك . . .

وبعض البشر يتعب على شان يرضيك . .
واغلى من اخوانه . . بقلبه يعدك . . .

وياصاحبي هالحين بانت خوافيك . .
علقتني مابين . . مزحك وجدك . . .

وش جاك مني ياعشيري وأنـــا اخيك . .
قبل امس أنـــا صاحبك . . واليوم ندّك . . .

لاضاق صدري من عنا الوقت أنـــا اجيك . .
واشوف دمعات الغلا . . فوق خدك . . .

والحين تظلمني وأنـــا منك وفيك . .
بكل احترام اقول . . ياخوي حدك . . .

ثمن كلامك ياعسى الله يهديك . .
لاصار ماي الوجه . . يعجز يردك . . .

ثوب الردى ياصاحبي مايقديك . .
الثوب ماهوب لك . . ولا القد قدك . . .

وأنـــا خلاص اليوم والله مابيك . .
النفس طابت . . سو ماهو بودك . . .

الطعنه اللي من ورى الظهر تنهيك . .
وشلون لاجاتك . . من اللي يودك . . .

لا واهناي يوم أنـــا اموت بيديك . .
ذابح وتبكي . . من ذبحته بيدك . . .

راق لي

[أخفـ( غلاكـ )ـي]

رائعه في اختيارك اختي


يعطيك الف الف عافيه



تحيتي

[بنت الجنوب]

توجدكـ
هو الرائع شاكره لكـ

[الصامت]

إختيارراقي وذوق رفيع جداشكرا أختي بنت الجنوب

[بنت الجنوب]

الصامت شرفني مرورك

[أبو عبدالمحسن]

وياصاحبي هالحين بانت خوافيك . .
علقتني مابين . . مزحك وجدك

شكرا بنت الجنوب على هذه الابيات الجميلة



جزاك الله خير




أبو عبدالمحسن

[بنت الجنوب]

أسعدني مروركـ

شيخنا الفاضل

[دايم الشوق]

يابنت الجنوب أحسنتي الاختيار ..