بيــــروت مشيط<<حسب مقولة الطالب النصآب

[رنــه الخلخــال]

لااااا يفوتكم

بيروت مشيط

موضوع انشاء لطالب نصاب في الأبتدائي

شوفو العبقريه بس , هذا موضوع أنشائي لـ طالب في الأبتدائي , الموضوع بصراحه يستاهل القراءه , الطالب نصااااااااب وبطريقه خطييييييييييره وبصراحة أحلى تعبير موضوع مرررررررره جميل ومضحك لا يفوتكم ....

---------------------

لقد رحنا في العطلة الصيفية أنا وأهلي إلي بلدي الثاني لبنان، رحنا بالطيارة و كانت امي خايفه جدا جدا لانها اول مرة تركب طيارة , بس انا اصلا دايما اركبها, وفي الطيارة جت شغالة الطيارة وجابت لنا القهوه والشاي ثم جت وقالت اقلطوا على العشاء , وقلطنا في المقلط مع العفش, وكان الطيار واقف على روسنا ماسك اللبن وقال سموا على عشاكم,يالله إن تحييكم, وكان مفطحا شهيا. وخلصنا وغسلنا, وكان ومساعد الطيار ماسكن الفوطة والطيب وأعواد الاسنان.

وعندما وصلنا لمـطار المـلك خـالد حقهم, ذهبت انا لتختيم الجوازات والرخصة والاستمارة وذهبت امي للتطبيق , وكنت اتحدث لغتهم بطفاقة لاني امي وابي مامعهم لغة.

وقال لي العسكري : جواز مين هيدا ؟.. فقلت له" بييَ (ابوي باللبناني) , وقال: "وهيدا؟" قلت: مييَ (أمي) . وهيدا ؟ قلت" خييَ (أخوي " ) وقال " وهيدا؟" قلت : نييَ (أنا) " وكان جوازي..............

وقال لي ابوي ماشاالله عليك ياوليدي إنك بلبل في اللغة اللبنانية الفصحى, التفت عليه وقلته, أي لا كــان , ثم التفت للبـنـانـي وقلت له تـرى أنا سـعودي مانيب زيكم, وشكله كان مستغرب يحسبني لبناني.

وفي لبنان سكننا في مدينة بيروت مشيط وكانت مدينة جميله فيها مـزارع بكل مكان, ولم اشوف عندهم تـراب, علشان كـذا مافيهم الاشـهب, تمشينا في مناطقها السياحية واسـواقها, ذهبـنا الي اللبنانيـة,والحـريرية .وركبنا كـورة الحـريرية وناظرنا جميع حـدود لبنان, ورأينا دولة إسـرائيل الملعونة, وكانت دولة صغيرة جـدا, ونـظرت للدول العربية والأسـلامية وجـدتها اكبر منها بألف مرة, ومدري كيف ناشبتن بحلوقنا. وإنني أقترح على الدول العربية والإسـلامية , مادامها أقـوى منكم وعجـزتوا عنها وماعندكم إلا الدجـة بالاسـلحة, اسـتخـدموا السـلاح الخـلفي لـتوفرة عنـدنا بكثرة, فإني اقـترح, نـوصل جميع انابيـب الصرف الصحـي لدولنا ونـمـده لإسـرائيل, واضمن لـكم بـتغرق كلها بيوم واحـد. خـلونا نتجمع بس, والسلاح امره هين.

ورأيت دولا كثـيرا, وشفت دولة وماعرفتها, يوم دققت مكتوب عليها, بورسعيـد, وشفت اللمملكة العربية السـعودية الشـقيـقة .وكانت حـدودها كثيـرة عرفتها من الخـط المتقـطع. ولكن للأسـف لم تـكن لبنان تـحدنا , وأنا أقترح نضمهم معنا في دول الخليج ونـدف اليـمن بـدالها.

ثم ذهبنا الي الاهرامات وكل واحد مننا ركب له على واحد, انا ركبت على الخنـصر , وأخـواني واحـد ركـب على البنصـر, وعلي الدب ركب على .

" اما ابوي فركب على أبو الـهول لأنه يشبهه. وكانت رحلة سعيدة, ورجعنا بالسيارة ومررنا على تونس الخضراء, والسودان السوداء في الـطريق عبينا بنزين بعشرة لاننا فلسنا, وكملنا الـطريق الي أن وصلنا بالرفـاء والبنيـن

[برنسيسة الوادي]

ههههههههههههههههههه رووووووووووووووعه
الله يسعدك .... ماشاءالله عبرتعبير خيالي
ماخلا ديره مازارها بس احسن دوله زارها السودان السوداء ههههههههههههههههههه
تسلمين يالغاليه

[رنــه الخلخــال]

برنسيسه الوادي ..

دووم هالضحكه ...

لاتحرميني مروركـ الحلوه ولا من طلتكـ الاحلى ..

[صافي النوايا]

بصرحه اجمل تعبير قريته بحياتي مره حلو اذا ما اعطاه الاستاذ الدرجه كامله فوالله ظلمه وتحطيم للقدرات النصابه الصاعده الله يسعد ع الموضوع بصراحه كنت محتاج اضحك وماقصرتي زوووووووووود منها

[رنــه الخلخــال]

دووم هالضحكه وان شاء الله ماتفارقكـ لو دقيقه ...

مفروض يعطيه درجه كامله لكن بيني وبينكـ الولد نصااااااااااااااااااااااااااب كبير >> شلاخ ...

بس فكرته رهيبه صراحه ..

[اهلاوي مووت]

ههههههههههه
الله يسعدكـ

[عـ القناص ـزوز]

هههههههههه
رووعة والله رووعة البراءة
أتوقع انه طالب منتف وفي مدرسة أهلية هع
^_^ أرق التحايا