,,,حمــــار القـايـله,,,

[أبو الفيصل]

يقول ابو الفيصل خذوا علم الرجال
عـاشـرت طيّبهم واعــرف جـمايلـه

الـوافي الصنديـد ميّال العــقـال
هو سيف ربعه ودرعــه شايلــه

كريم في بيته سلوا عنه الدلال
حـكـيم قـومـه وفي مسايـلــه

ومّيزت خيّبهم حقير وفي ضلال
خـبيث في قـولـه وفي عـمايـلـه

احذر من الّلاش فاله خس فال
ماعـمر خاسي يجيب الطـايـلـه

جـبان واتقـطـعت فـيه الحـبال
احـذر يـورطــك في حـبايله

عاصرت هالدنيا ولي فيها مجال
وشربت حنظلها وعين(ن) سايله

وشربت من الليم والنبع الزلال
واعرف سلوم العـرب ومثايله

اوصيك لا تتكي الا على جبال
وابعـد عن الرفـقـه اللي مايله

وتبقى لنا الاخلاق وافعال جمال
واللاش يبقى حــمـار القــايله

وسلااااااااااااامتكم

[صحناوي]

صح لسانك ويعطيك العافيه

[مطر البحيري]

اوصيك لا تتكي الا على جبال
وابعـد عن الرفـقـه اللي مايله
صح لسـانك يالغالي
قصيده جزله
ربي يعطيك العافيه

[ابومرام]

صح لسانك ابو الفيصل

[أغليكـ]

احذر من الّلاش فاله خس فال
ماعـمر خاسي يجيب الطـايـلـه

جـبان واتقـطـعت فـيه الحـبال
احـذر يـورطــك في حـبايله

صح لسانك


مطول الغيبات جاب الغنايم .. !

[السفير الأهلاوي]

صــح لسانك والله يقويك

موفق وإلى الأمام

[أبو الفيصل]

صح بدنك اخوي الكريم صحناوي
وشرفتنا بمرورك

[أبو الفيصل]

صح بدنك اخوي الاعزيز مطر
ودائما تخجلني باطرائك
فلك تحياتي