أمُوتْ .. اليُوم ... وأعيش باكر

[عـ القناص ـزوز]

ودي ...





أمُوتْ .. اليُوم ... وأعيش باكر
وأشوفْ مِنْهو .. بعد مُوتي فقدني ..!

ومِنْهو حَمَلْني لِين .. ذِيكْ .. "المقابر "
وأشْكرْ أنا .. كِل مِنْ كَرَمْني ودِفنِّي

وبشُوفْ .. يرثيني أنا كَمْ [ شاعر ] ..؟
ومِنْهو تركْني .. وما كِتَب شَي عنِّي

شِخصٍ تعنَّى لي .. مع إنه .. مسافر
وشِخصٍ قِريبٍ .. وآنا مَيِّت / طعنِّي

وشِخصٍ يمثِّل دمعِتَه .. ما هو قادر !
وشِخصٍ تِطيح دموعه كِلْ ما ذكرني ..

ومِنْهو مِنْ أهلي فـ العَزا كان حاضر
ومِنْهو دعى لي في " صلاته " ورحمني

ومِنْهو بنى [ بإسمي ] سبيل ومنابر
ومِنْهو يفز قلبـه .. إلا مِنْ لمحني

ومِنْهو عشاني :: طُول الأيام ساهر ..!ومِنْهو ثلاث أيَّام.. راح وتركني ..؟

ومِنْهو يرتِّب .. غرفتي .. / والمناظر
وإن شاف ( صورهـ ) لي ماتْ وحضنِّي

يالله عسى .. ما تغفى كل المشاعر
ويالله عسى .. ما ينصِدِم يُوم ظنِّي



خايف يروح العُمْر .. وأكُونْ خاسر
وإن طار طيري .. ما يفيد / التمنِّي

وخايف يجيني وقت : أكْسِر خواطر
إن دارت الدنيا .. وزماني كسرني

ومدام هذي الدنيا .. صارت مظاهر
وكِلْ مَنْ على كيفه .. وجَوَّه يغني

صحيح مُسلم لكن : الهَم كافر ..
كل ما بغيت أضحك يهددني حزني

الضيق وافـي .. والحزن حيل وافر
والجرح أكثر شي .. شفتـه يحبني

عايش وميِّت بين .. ماضي وحاضر
والصبر[ مفتاح الفرج ] ضاع منِّي

قل وش تبي وتتركني يا حزني آمر
مسكين فرحي / تصدِّق إنَّ وحشني !!

( شاعر ) ولكنِّي .. ماني بـ شاعر
ودِّي أموت اليوم .... وأرتاح منِّي !!
للأمانة منقوول

[ريح العبير]

ابيات ع قد ماهي مؤلمهـ وحزينهـ إلا انها نابعهـ من احسااس

وشِخصٍ يمثِّل دمعِتَه .. ما هو قادر !
وشِخصٍ تِطيح دموعه كِلْ ما ذكرني ..

ذكرتني بجدي الله يرحمهـ ويسكنهـ الجنهـ هالشطر

شاكرهـ لك طرحك

دمت بخير

[عـ القناص ـزوز]

شاكر لكي مرورك الراقي إختي

[الزعيم الملكي]

ابداع ياعزوزيفوق الوصف

[عـ القناص ـزوز]

أشكرك على مرورك أيها الزعيم

[اهلاوي مووت]

صح لسانكـ ..
روعاتكـ يا قناصـ

[عـ القناص ـزوز]

صح بدنك
طلاتك يا أهلاويـ