حبايبي الكرام السلام عليكم ورحمة الله وبركاته
واسعدالله اوقاتكم بالخير والعافية وادام عليكم الأفراح والأوناس
أحبتي تكفون استبيحكم عذرا في ان اخذ رأيكم في موضوع خاص شويي بس انه يهم الجميـــــــــــــــــــــــــع تقريبا.........
الموضوع باختصار هو موضوع اختيار شريك/ة الحياة
يا شباب تصدقون بالله لي سنتين كاملتين في الأختيارفقط ولسا بعد ما اخترت.... امر محبط بشكل غير ما تتصورونه
طبعا يمكن تسألون وش مواصفات البنت اللي ما لقيتها طوال سنتين... طبعا بيئتنا ولله الحمد تضمن لنا النسب الطيب والأصل العريق والأخلاق الفاضلة ... يعني هذي ماهي مشكلة تلقاها في اي بيت بس المشكلة مواصفات ثانية
يعني انا مثلا ابغى وحدة جميلة مرررة عشان تملى عيني واضمن اني ما اتعداها وانظر لغيرها.. وابيها رومانسية وشاعرة لأني شاعر او على الأقل تحب الخواطر والرومانسيات... وابيها جامعية ضروري جدا جدا جدا ... مو شرط موظفة , الوظيفة حق خاص لها بس اهم شي تكون جامعية وابيها نفس تخصصي عشان نسير متفاهمين اكثر ولنا نفس الإهتمامات.... وبرضه احتمال اسافر امريكا لو كتب الله توفيق اواصل دراستي وابيها تشاركني الرحلة بشغف وتسير زميلتي بالدراسة هناك وصديقتي موبس زوجه تجاملني وتروح معي........
اخوياي دايم يقولون لي والله ما راح تلقى كل هذي المواصفات مجتمعه مع بعض...... وبعضهم يتطنزون علي ويقولون تكفى يا توم كروز قاعد تفصل في البنات وانت ناسي عمرك تمساح قاعد...
ابي رايكم بصراحة هل انا بالغت في مواصفاتي اللي ابيها في شريكة حياتي وهل هي السبب في تاخري في الاختيار لمدة سنتين
اكرر انا اسف الموضوع خاص شوي بس يمكن يخلينا نناقش مشكلة الأختيار عموما في مجتمعنا........ وشكرا لكم