البدع
راعي المليون ما يحسب حساب الاف والميات
ما يشوف اجساد بعض العالم اللي في البيد ناحيله
اللي ما تتعوش الا بالهبات وبالطلب والسيل
والحكيم اللي يقول يا عاشقين الفيد فيدو قاله
وانت يا القلب المريض متى تعفى مالمرض وتشوف
واللي يتكبر قصير ايدين ما مات البشر واحياها
لوتقول الناس قدامك تعال وحيها مشي
اتركه واذا تعب قل منته الا بوم يا بوم اتعب
والسعيد اللي رحل ما كن له مالن ولاملك
فاتني الطابور وانا كان ودي بالهوامير الحق
اثرني شديت خيلن عذروا فيه السواسيه
الرد
الله ياحي القويزه يرحم الحيين والميات
ادري انها كارثه كبرى ولكن ما بيدنا حيله
والا شارع جاك ما مفرض يبنى في طريق السيل
والبيوت اللي بها سكان خذها السيل في دوقاله
واهلها مشكا على الله فارقونا والعيون تشوف
والامين الظاهر انه ما يعرف امدينته واحياها
والا وش عذره يقول ان القويزه حي هامشي
الفقارا يفتكرهم ربهم ثم الملك ابو متعب
المليك العادل اللي ماخلف مثله ولا ملك
مدته تغني الفقير وكلمته تثقل موازين الحق
والوطن في هيبته والناس في عينه سواسيه
الشاعر: زين سعد البحيري