[ابوتركي اليسلمي]

يا صاحبي ناداك صعب المراسي
ولي مع اهل الشعر صوله وجوله

ابشر بنا يا صـــاح يوم الدواسي
ويبان لك من حاز معنى الرجوله

من قبل يحدث ماس والا التماسي
كل(ن)يوقي من الحـــــيايا رجوله

غيري على الدكه وانا العب اساسي
انظر إلى الكبتن وشـــــــاهد لقوله

ربعي هل الطولات والضلع راسي
والرجل منا يصدق الفعـــــل قوله

بني بحير البحر به كل باسي
ما يجهله غير العقول الهبوله

نحمي دخيل القوم دوم ونواسي
والحق له يعطى من ابن الحموله

اوفي في الميعاد ما ني بناسي
قولي إذا غيري تناسا لقولـــه

وان كــــاد للمتنبي ابو فراسي
فالمزن ما غطاه ساعة هطوله

وغيري تغرب لاجل كد التكاسي
جاب البلد يا ربع عرضه وطوله

وان قلت قــــــولي ما دخله التباسي
ونفسي عن الميصال ما هي عدوله

غيري إذا يغريه وضع التباسي
نفسي لمثل الوضع هذا ملوله

وإذا اشتغل غيري بقولي وباسي
هدف فؤادي رجــــل مثل لدوله

والدله اللي ما بتذهب عماسي
من جا بها يا ربع لا تشهدوا له

واللي في الميدان قد حاز كاسي
أقول انا يا ربعنـــــا صفقوا له