صبري قضى والخل طوّل غيابـه
والحال يشكي من عنا البعد مشتاق
رح يارسول الشوق لي حد بابـه
سلم عليه وبلغـه حـر الأشـواق
قله ترى الساري من الشوق صابه
بعض الجنون وقلبه اليوم خفـاق
بعدك جرح قلبه وهمـك سرابـه
يخشى وصالك ينقلب صد وفـراق
عقبـك حياتـه ياحياتـه رتابـه
عايش على ذكراك حافظ لميثـاق
وأوصيك يالمرسـال بلـغ جنابـه
أني عليه أوله وللشـوف تـواق
وان البشر صارت بعيني تشابـه
وحده فرق عنهم وساكن بالاعماق
حبي له اكبر من حروف الكتابـه
مايوصفه نزف القلم فوق الأوراق
حيثه ملك كـل الحـلاوالمهابـه
وعنه البعاد اليوم ماعـاد ينطـاق
وآخـر وصيـه لا تكثـرعتابـه
خله على كيفه وخلـه للاشـواق
أن جاء معود قلت يامرحبـابـه
وأن كانت الفرقا فيه اموت مشتاق
راقت لي كثير
,,,,تحيــــــــــاتي,,,,