[الفــارس]

عليكم السلام ورحمة الله
لا أحد يقوم من مكانه << داخل ديوانيه
عشت أخوي ذاكر ما يحتاج قهوه .. متقهوي من البيت بس جاي أسولف وأمشي << أيه هين
أول شيء الله يعطيك العافيه على الموضوع التووحفه
بصراحه ما عاد نستغرب أنه أي موضوع تطرحه يكون توووحفه
وهالموضوع أتمنى يكون ديوانيه أو مجلس للجميع وأتمنى التفاعل من الكل
بس العزبه عليك << الشاي والقهوه والتمر والكنافه << أهم شيء الكنافه
طيب ناخذ أول سالفه ونفصفصها لحالها << داخل مروق
الاتصالات السعودي << حياه أسهل

شركة الاتصالات

الفاتوره 3000 العرض شهر رسايل بالمجان وشهر مكالمات

والشباب شادين حيلهم رساله ثم حدد الكل واستمتع بالرد

ولكن من المستفيد الأكبر ؟؟

هذي صوره للعرض ومدري ليه حاطين بزر لايكون يشحذون مننا
صوره مع التحيه لمكافحة التسول يمسكون اللي بالي بالكم

كثير من الشباب اعرفهم يقولون انه مافيه شي مجاني .. والارقام نزلت في الفاتوره .. !!
بصراحه شي يفقع الكبد ! انا ما الوم الناس إلي كانوا يقولون الأتصالات كذابين
طلع معهم الحق .. واهنيهم انهم ما تسرعوا مثلي ومثلك ..
لان هالشركه مستحيل تسوي شي لله .. اصلاً بالعقل شهر كامل مجاناً ! .. فيها ملايين هذي ، مافيه امل الشركه تتخلى عنها علشان خاطر عيون عملائها
لكن يمكن فيه مشكله بسيطه مع الشباب إلي اعرفهم او شي ، ولكن لو ثبت رسمي انها نزلت عند الكل
المفروض يقلبون الدنيا فوق تحت .. نصب عيني عينك إلى متى ..
قسم بالله مصوا دمنا حتى نشفت عقولنا وحنا نروح للصراف ونسدد بكل أرياحيه << حلوه الكلمه

هذي صورة رئيس شركة الاتصالات السعودي


^
^
تحسه رئيس دوله هو وخشته << لا يكثر ههه
أمانه وش يحس فيه وهو يمص كبود هالضعوف
عرض شهر مجاناً والناس طايحه مكالمات وحنحنه ببلاش وأخرها
فاتوره كبر راس اللي بالصوره << صرت شاعر

الله فوق يا ذاكر وما يضيع عنده شيء



^
^
شف هالضعيف شكله أحمد سعد مصووه لين نشف << هههههه

معليش طولت بالسالفه هذي ... صدقني من القهر اللي فيني

========================

أما السالفه الثانيه فصدقني وين ما تروح الاجنبي أفضل من السعودي في كل مكان ويمكن يخاف عليك ويعطيك حقك أكثر
من أبن بلدك اللي هو من نفس جنسيتك ...
طبعاً إلا من رحم ربي
لكن الكدادين لا تامنهم أبداً <<

========================

السالفه الثالثه لو قلت الشباب والنصر كان أحسن << برى
والله يا خوي هالانديه ما ادري وش بلاهم كل يوم تصريحات
وفضايح وهذا يتحدى هذا ....
وهذا أمير وما احد يقدر يجاكره بشيء
والثاني صاحب حق ولا يقدر ياخذه لان ما فيه قبل أسمه صاحب السمو << الله يذكرك بالخير يالبلوي << حازه بنفسي للحين ...
مشاكل الانديه عندنا في السعوديه في أداراتها حتى لو تلاحظ
بعض الانديه تلقى أعضاء الشرف أنفسهم يكرهون بعضهم البعض
وبعض رؤساء الانديه يذبون على بعض كلام ما له داعي
فشلون الله يقطع ابليسهم << مصخها

=========================

الله يعطيك العافيه يا ذاكر على الديوانيه الحلوه
وكل يوم خلونا نجي ونسولف وكل واحد يجيب خويه معه
أهم شيء الفله والوناسه وحٌب الوطن