[اميرة القمر]

مديرة مدرسة تزوجت زوج إحدى مدرسات مدرستها

تدور القصة حول مديرة مدرسة عزباء غابت عن المدرسة يومين

ولما عادت لمدرستها قابلتها المدرسات سلامات وينك يامديرة ؟

قالت باركولي تزوجت

قالن مبروك يامديرة ولكن منهو زوجك ؟

قالت بصراحة زوجي هو زوج إحداكن !!

المدرسات تكفين علميننا أي وحدة منا ؟

قالت المديرة والله ما علمكم

المهم لزمو عليها فقالت انا ماراح ا تكلم اللي تبغي تعرف هل هو زوجها وإلا لا

تجيب بكرا معها خمسمية ريال وإذا جت توقع تحط الخمسمية على الطاولة

واللي آخذ خمسميتها فهو مو زوجها

واللي أخلي خمسميتها على الطاولة ولا آخذها فهو زوجها

عيب علي أتزوج زوجها وآخذ بعد منها خمسمية ريال

وافقو المدرسات على الطريقة

ويوم جاء بكرا وكل وحدة مجهزه معها فلوسها

جت الأوله والثانية والثالثة والرابعة حتى العاشرة والمديرة تاخذ
الفلوس

يوم جت المدرسة الـ 11 وبدت المديرة تأفف . المهم حطت الفلوس على الطاولة

وقالت لها تكفين خذيها يالمديرة قالت

المديرة اعذريني قالت المدرسة كأنها قليلة حطيت ألف بدال الخمسمية

قالت المديرة أووووووووووووه معليش أثرك أنتي جواهر

والله إني آسفه غلطت يوم تنفست المدرسة وقالت الحمد لله يعني بتاخذين الفلوس

المهم أخذتها المديرة

ودخلن بقية المدرسات حتى الـ 23 والمديرة تلعب بأعصاب كل وحده

وفي النهاية تاخذ الخمسمية

المهم بقي مدرسة وحدة فقط ماجت يوم اتصلو عليها المدرسات هاه وينك ياأستاذه

قالت والله انا تعبانه ومو جايه
قالت المدرسة الغايبة : هاه من صار زوجها اللي متزوج المديرة ؟

قالن لين الحين مابين شي والمديرة عيت تاخذ الفلوس لين نحضر كل المدرسات

( يلعبن عليها بس يبونها تجي عشان يتطمنون إنها هي لأنه مابقى إلا هي )

قالو المدرسات لازم تجين تكفين

المهم جت تسحب رجليها بالقوة ويوم جت تدخل المدرسات كل وحده مبسوطة أنها مهي هي

وبدو يسمون على المدرسة الـ 24 عشان ماتنصدم

دخلت المدرسة الأخيرة غرفة المديرة وحطو باقي المدرسات ايديهم على قلوبهم
وحطت المدرسة الخمسمية على الطاولة وشالتها المديرة يوم طلعت لقوها عادية وما صار شي وفلوسها أخذتها المديرة

قالو يا بنات هل في وحدة منكم المديره ما اخذت فلوسها

قالو لا

ودخلن المدرسات على المديرة وقالو أخذتي الفلوس من كل المدرسات تلعبين علينا

!! منهو زوجك !!

قالت المديرة المهم الدراهم ( 12000 ريال ) ماراح ترجع

وأنا والله لا تزوجت ولاشي لين الحين عزوبية ووالله كنت مريضة هاليومين

ولكني اطلبككم قبل شهر تدفعون على مية ريال نصلح المصلى

ولا وحدة منكم دفعت .. قلت والله لأدفعكم 500 ريال

نصلح المصلى ونشتري مصاحف وقف للمسجد

قالو المدرسات بردها الله بالعافية فداك الدراهم ولو تبين زود عطيناك

هو صدق بس رجالنا ماتزوجوا علينا



مايستفاد من القصة

1- المرأة تدفع فلوس الدنيا كلها ولا يتزوج زوجها عليها

2- المدير الناجح هو من يفكر في عمل مفيد إجتماعياً ويستطيع فرضه بإقناع

3- عمل الخير موجود في النفس المسلمة ولكن يحتاج إلى إيقاظ في بعض الأوقات

4- من واجبات مدراء ومديرات المدارس والمدرسين الاهتمام بالمصليات

5- القصة لاتعني الانتقاص بأي شكل من قدر واحترام المرأة



( ملطوووش )