اقتباس:
المشاركة الأصلية كتبت بواسطة متعب البحيري
السلام عليكم ورحمة الله وبركاته،
وعليكم السلام ورحمة الله وبركاته
كيفك يا صاحبي وعزيزي قلم الرصاص،
و تمام أبشرك يامتعب والله بخير مانسأل إلا عنكم
جتني رسالة على بريدي الالكتروني خاصة عنك، تبلغني بحضرتك على كرسي الاعتراف فلم أدخر وقت خصوصاً بانتهاء دوام الخميس ونظرت فيما لديك من أخبار واجوبة واستمتعت بكل خطة قلم رسمتها،
وترى زي ماقلت لك توقعت ماتسأل أي شي أو حتى تعلّق
لأنك في الترشيح قلت إن لك سؤال واحد فقط وهو من أنت وماراح تسأل غيره ، عشان كذا توقعتك ماراح تسأل .
وصدقني والله إني انبسط من جيتك لأنك خرجت بنا من الركاكة المعهودة وشجعتني على الكلام ، يعني نقدر نقول تواجدك كان نقطة تحول للموضوع
راح أتعب في الكتابة لكن مادام هذا يرضيك ماعندي مشكلة بأهذرك ، بعدين تعال من اللي أرسلك على الايميل ؟؟<< ملقوف
إلا على طاري الايميل ، جاني إضافة منك وقبلت بس ماحصلتك ولامرة عالماسنجر ، شكل عندكم أشغال اليومين هذي ، وإلا كان لقيتك مقعن في الماسنجر دايم .
وترى ابو سامي طلب مني تحضير لك رسالة ترحيبية لك وجتني في وقت انشغلت فيه ونويت ارد وما ادري ويش سويت، شكلي انشغلت بموضوع آخر فنسيت الرسالة، وأنت تعرف الرسالة الخاصة إذا تمت قراءتها ما تظهر إلا أدخل على سجل حسابي فاعذرني والله، لكن بيننا إن شاء الله ما هو أكبر من هذا! ومعزتك في قلبي بغير ترحيب ومديح، فلا تقلق. بالنسبة لأبو سامي فليعذرني ايضاً وله مني اجمل تحية.
ماعليك يارجل البقية فيهم الخير والبركة ، واعتبرها وصلت
ماألومك من كثر ماتكتب تشتت الأفكار ، ومن ناحية المعزة والله إن لك مثلها وأكثر وراح تكتشف هذا يوماً ما .
قلم الرصاص، قرأت اجوبتك كلها واسئلة الاخوة واحد واحد ولحظت أن سمة التحفظ طاغية على اجوبتك كلها رغم ان هناك اشخاص اثاروا اسئلة مفتوحة تستدعي الاستطراد والإطالة إلا أنك اقفلتها برد مختصر يدعو للغرابة، انا بيني وبينك إذا لم ارى اجوبة طويلة ورغبة من الكاتب في الاسترسال والقفز من نقطة إلى نقطة يضعف عندي جو كرسي الاعتراف،
والله لو تجلس على الكرسي إنك تكره شي اسمه استرسال
وتعود تكتفي بكلمة ورد غطاها ، ماتحتسب وتخلص الأسئلة ، بالله تخيل لو كان ثلاثة من اللي سألوا كتبوا مثلك والله ممكن أشرد خخخخخخخ
مايسد مسكين م ح البحيري يقولون باقي ايدوه تعضاه من ابكتابه ، عشان يرد علاك أنت وأبو عماد
لكن إما أسئلتك بأرد عليها باسترسال عجيب وأنت الحكم نزولاً عند رغبتك .
أحب ما لدي أن أقرأ لشخص هذرن ويحب يتكلم، لأنا في حالنا مشتاقين نسمع ما لدى الجميع والله، ونبغى نعيش سوالف ما نبغى نعيش اختبار اسئلة واجوبة، ترانا جالسين في غرف لحالنا ما معنا أحد ونرتاح شوي إذا واحد رد علينا وتكلم وقال لنا قصة وسالفة واضحكنا وونسنا وبسطنا شوي، فلا تبخل علينا بكل هذا، وصدقني سعدت بترشيحك وتوقعتك تكون هذرن وتتفلسف ولكنك ظهرت بمظهر آخر كل من سألك سؤال ترد عليه بإختصار وكلمة ورد غطاها. فأرجوا منك ان ترد وتطول في اجوبتك بالنسبة لأجوبتي،
أبشر باللي يرضيك ، وش تبغى باقي ؟؟؟
بالنسبة لسؤال من أنت؟ فلن اسألك من تكون؟؟ يكفي انك وجهت لي كلمة "لا تتدخل فيما لا يعنيك" وقد وصل ما ترمي إليه،
دعابة والله حطيت اسمك دعابة لأني أبغى أستفزك وتعلق وقد نجحت في ذلك ، لأني أعرف إنك دمث بطبعك فحبيت أمازحك .
وبإذن الله لن اسألك! اتفقنا، لكن هذا لا يعني أن اسكت في المستقبل، فالفضول عندي احياناً يهبط هبوط اضطراري واحياناً
يا أخي على طاري هبوط اضطراري والله إن في شبه بينكم من ناحية الاسترسال والفلسفة وإن شاء الله يمر من هنا ويعلّق بس ماهو مثل تعليقك يعني يمر مرور خفيف خخخخخ .
يرتفع وأموت واعرف من تكون. فالليلة جيت على عرقٍ طيبن فالأمطار غزيرة والأجواء اجمل من جميلة وأروع من رائعة، فجالس بفنحان الشاي الساخن انظر من النافذة مع غروب الشمس تلك الأجواء واكتب لك هذه الاسئلة وأنا مستناس يعني،
قسم بالله إني قاعد أتخيل الموقف كذا وعايش جو معاه
ياخي حرام عليك تشوقنا كذا ماتدري ان ماعندنا إلا ابجحرة
وإن طاري المطر ينعشنا .
فلا تخرب علي الفرحة برد تقول فيه "ترى عندي هواية وما راح اقولك، أرجوك يعني"،
خخخخخخخخخخخخخخخخ ماعدّت عليك يعني
وترى الايميل اللي وصلني جاء فيه توقعات عنك، لأني مثل ما قلت لك الكل مهتمين بشخصك الكريم يا سعادة الأمير، فقالوا لي واحد استبعدته تماماً!!!!!!!!!!!!!!!! بس لو طلعت هو، ما احد بيمنعك مني من العتب والملامة، أولاً لأنك مذهت بي بين الناس تقول متعب اشغلني يبغى يعرفني وثانياً لأني ما توقعت تقصيني من قائمة معارفك،
ياخي والله شوقتني وحسستني إني فعلاً مشهور <<لاتصدق
طيب ارسلي الايميل وخلني اشوف التوقعات وإذا كنت من ضمنهم راح أقلك << نصاب
بالنسبة للعتب والملامة أتوقع إنها واردة واردة الله يخارجنا من لسانك ، بتمذهبي لكن الله يعين على جحادك  .
عموماً لن اطيل لكن ابغى اجوبة طويلة، شوف لي الحين طولت عليك ولسا ما كتبت الأسئلة، فيعني ابغى القضية سوالف؟ وإذا بتكون باختصار فبالله عليك لا ترد،
أفا عليك خلاص لاعاد توصي .
لأني اشوفك احياناً يسؤلونك الناس وتقول ارجع وأقرأ جوابي الأول، بالله علاك الحين احد فاضي يرجع ويدور الجواب،
طيب أبشر بس راجع تعليقي السابق خخخخخخخخ
ياخي رد قول شي افتح للجواب افاقه ولا تقمع جماله بسطر وسطرين ههههههههه لا تزعل من كلامي،
حلوة لاتقمع حسستني إني مرهب الكلمات ههههههه
تراني متعمد أدخل كلمة "يا خي رد قول شيء" لأنها هي العبارة الوحيدة التي من خلالها تستطيع قياس حدة كلامي ههههه بس تراها مزحة ومتعمدة ولا تزعل يا غالي فكل انسان له اسلوب وأدرى بالطريقة المناسبة التي تتناسب مع هدفه ومبتغاه. أرجوك لا تزعل، فأنا أمزح فعلاً.
ماتحس إنك بالغت في الوصية خلاص أبشر طال عمرك لاعاد توصي
بالنسبة للأخوة فارجوا من الاخوة المرشحين ان يسألوك أسئلة كثيرة، فاستغرب كيف يترشح حبيبنا قلم الرصاص ونكون سبب في ترشيحه وما نسأله.
لالالالالالالا تكفى كذا كفاية ، خخخخخخخخخخخ
أمزح اللي يبغى يسأل حياه الله << طيب
محطة سوالف:
اولاً: أبغى اسمع قصة مضحكة حدثت لك في حياتك؟
قصة حدثت معك لاتخليني أذكرها ترى بأفضحك
خخخخخخخخخخخخخخخخخخخخ
ثانياً: أبغى اسمع موقف محرج؟
مرة اتصلت على صديق لي وكان معه شخص كبير بالسن مو مرة بس مو من سني يعني أحترمه وأقدره ، المهم مالك بالطويلة كنا نتكلم عن موضوع معين وكان يطرح وجهة نظره وأثاري الرجال حاط الجوال على الميكرفون وقال يقول فلان (الرجال اللي جنبه) إن الوضع كذا وكذا المهم قلت له بالصوت الواثق فلان والله ماعنده سالفة لو مابقي إلا هو ماأخذت برأيه
المهم الرجال زعل وأخذ في خاطره ، المهم قعدت شاردن عنه مدة ولما قابلته فيما بعد والله إن وجهي طايح مني ، أما صاحبي فكان له عقاب من نوع خاص .
ثالثاً: موقف مخيف؟
تقريباً يامتعب لايوجد موقف نقدر نسميه مخيف .
رابعاً: موقف حدث لك لا تستطيع أن تجد له تفسيراً إلى الآن؟
كل الأمور تبدو منطقية لو حللناها .
خامساً: موقف دراسي لا تنساه حدث لك في المدرسة؟
طردت من الفصل بعد أن نشب خلاق بيني وبين أحد المعلمين
ووالله الذي لاإله إلا هو أني كنت في أمان الله إلا وجاني المعلم ويقول : أنت جبت 9 من 15 ، قلت طيب قال لاتحلم إني بأزودك قلت لاتزودني إن شاء الله تعطيني صفر (ماأدري كيف طلعت) قام وطردني وقال لاتحضر عندي أي حصة ، بقينا متخاصمين لفترة لكن مالبثت وعادت المياه لمجاريها وصار من أفضل المعلمين .
سادساً: حلم أفزعك وحلم تمنيت ما قمت من على فراشك؟
عاد أما هذي يامتعب أنشبتها الحلم مايعدي 24 ساعة ويحذف من الذاكرة ، في حلم تقريباً قبل يوم كان مفزع بشكل مخيف حيث أنه كان أحد أقربائي يحترق وبشدة لدرجة خروج أحشائه قمت مفزوعاً وأسأل الله ألا يريه مكروه ،
أما الحلم اللي تمنيت إنه مايخلص عاد أكيد إنك بتعذرني 
سابعاً: طفولتك كيف قضيتها يعني كنت تلعب كورة كنت تسرح بالحلال، كنت تحمي البلاد، ايش كنت تسوي؟
طفولتي لم تكن عادية بصراحة كنت مدلّل لدرجة ماتتصورها ، وجميع ماذكرت مرّ على محدِّثك ، فقد ركلت الكرة وعشقتها وكنت أرعى الأغنام في البلاد وياويلك ياقلم رصاص لو وقعن في البلاد خخخخخخخخخخ
أما حمية البلاد فلها ذكريات خاصة يامتعب حاااااااحاه 
الله عليك يامتعب ، والله أيام زمان حلوة رغم مرارتها
طفولتي لها وقع خاص في نفسي ، ولازلت أتذكر تفاصيلها بكل دقّة
لعلي أكون قد أدليت بدلوي في موضوعك الأب البحيري تقريباً
عموماً ، لاتحسب إني أتيت من حضارة ومدري إيش ، لا بالعكس كانت طفولتي كطفولة أي طفل عاش في الديرة
بس عندي إحساس إني كنت معقّد لما كنت طفل ماأدري ليه يعني مو أي شي يعجبني مو أي شي يعدّي على قلم رصاص الطفل ،
ممكن لأني كنت مميز على أقراني  << أحسن ياهوووه .
ثامناً: هل في مدرس في حياتك ضربك كف على وجهك، إذا كان فما رأيك فيمن يقوم بهذا؟
طوال 12 سنة هي مدة جلوسي على مقاعد الدراسة ، لم يضربني أي مدرس كف على وجهي ، ضرب بالعصا ممكن وياكثرها بس كف لا .
أما بالنسبة لرأيي في ذلك فأرى بأن ضرب الوجه بغض النظر كونه في المدرسة أو لا فهو إهانة للمضروب وأي إهانة ، والله ياعزيزي إن الكف يزرع أحقاد غير طبيعية خلني ساكت بس
يا أخي اضرب بس لاتضرب في الوجه ، والله تفرق كثير .
تاسعاً: شيخ تحبه وتسمع له كثير وتنبسط عليه؟
الشيخ / عائض القرني القرني .
والشيخ / صالح المغامسي .
عاشراً: واحد مات وبكيت عليه؟ لا تقول "خليها على ربك"!!!!!!!!!! مين هو اللي مات وبكيت عليه؟؟
مشرف كان صديقي في أحد المنتديات .
احد عشر: ضع لنفسك نسبة لما يلي:
الأخلاص في العمل (.... %)
90%
الصدق (.... %)
80%
التضحية (.... %)
50%
الإهتمام بالأسرة (.... %)
75%
الحب (.... %)
كان 95% والحين تقلص أبشرك إلى أقل من 70%
الشجاعة (.... %)
80%
الأنانية (.... %)
25%
كثرة الجدال (.... %)
75%
الذكاء (.... %)
80% على نسب الذكاء أطلع غبي بس إحنا نقيسها على أساس بالمية
الفراسة (.... %)
40%
اثنى عشر: أفضل شيء عندك؟
أفضليات
أفضل رواية قرأتها، وأخس رواية؟
أفضل رواية ملك الذباب
أفضل برنامج تلفزيوني؟ وأخس برنامج؟
أفضل برنامج هو برنامج 99 ، أخس برنامج هو القوة العاشرة .
أفضل مسلسل درامي؟ وأخس مسلسل درامي؟
أفضل مسلسل باب الحارة ، أخس مسلسل سنوات الضياع .
أفضل مسلسل كرتوني؟ وأخس مسلسل كرتوني؟
أفضل مسلسل كرتوني الرمية الملتهبة ، أخس مسلسل كرتوني هايدي
افضل مذيع؟ وأخس مذيع؟
أفضل مذيع بتال القوس ، أخس مذيع إبراهيم الجابر .
أفضل ممثل؟ وأخس ممثل؟
أفضل ممثل عبّاس النوري ، أخس ممثل
أفضل ممثلة؟ أخس ممثلة؟
أفضل ممثلة هي إمارات رزق ، أخس ممثلة هي لايحضرني أحد سيء
أفضل مطرب؟ وأخس مطرب؟
أفضل مطرب راشد الماجد ، أخس مطرب جواد .
أفضل أغنية؟ وأخس أغنية؟
كثييييييييييييرررررررررررررررررة
افضل مباراة شفتها في حياتك؟ وأخس مباراة شفتها فيحياتك؟
أفضل مباراة (تركيا × ألمانيا) نصف نهائي يورو 2008 ، أخس مباراة مباراة الهلال وأم صلال
أفضل وجبة؟ ووجبة لاتشتهيها؟
أفضل وجبة الحنيذ ، وجبة لاأشتهيها لايوجد << ياكل كل شي .
أفضل عصير؟ وعصير ماتشتهيه؟
أفضل عصير ليمون مع نعناع ، عصير ما أحبه ممكن يكون
أفضل صديق؟
الأواخر::
آخر كتاب قرأته؟
القرآن .
أخر مباراة شفتها؟
الاتحاد × بختاكور
أخر شريط اسلامي سمعته؟
ماأتذكر بصراحة .
أخر معلومة سمعتها؟
إن السجود يفيد في تقوية عدسة العين .
آخر مكان زرته بسيارتك؟
مكة .
آخر مرة لعبت كرة قدم؟
قبل يومين .
آخر إنسان التقيت فيه؟
هههههههههه حلوة ذي .
آخرمنتدى تصفحته غير منتدى بني بحير؟
منتدى برامج نت وترى كنت من متابعيك فيه مع الترجمة خخخخ
ترى أعرف كل شي عنك ههههههههه.
آخر خبر صحفي قرأته وعجبك؟
حملة الشيخ سعد البريك للدفاع عن الشيخ الشثري .
شكاوي مني أرسلها إليك وابغى تعليق عليها:
يا أخي طالبت الادارة بشات صوتي وطالبتهم بقسم لريان بني بحير؟ وما ابغى اقول تجاهلوني حتى لا احد يستخدمها حجة علي ويقول "احسن الظن بأخيك المسلم" وما ابغى ازيد مطالبة حتى لا يتضجر غيرهم؟ ما ادري ايش أسوي والله؟ هل اسوي موضوع مستقل اطالب فيه بهذه المقترحات حتى استدر رحمة المعلقين، أم اضع مقترحي كتعليق لي حتى يقرأه كل عضو؟ ام انسى الموضوع بالمرة؟ ابغى شورك؟
شوف يامتعب ، ماكل مايتمنى المرء يدركه ، ممكن الوقت لم يساعدهم ، ممكن الخبرة كانت حاجز دون تحقيق كثير من المطالب ، ممكن القناعات تحكم التصرفات أخي متعب .
بس بصراحة ممكن المثل التالي ينطبق على منتدانا "أسمع جعجعةً ولاأرى طحناً"
يعني تقدر تقول التطوير بطيء وبطيء جداً ، مع إن كل الإداريين متقبلين كل الآراء لكن لانرى تطوير بالشكل الفعلي .
هناك أشياء كثيرة أولى مما ذكرت كان لزاماً على الإدارة تطبيها
شوف الشات الصوتي لاأرى منه فائدة بقدر ماسيجلب المشاكل
لكن على الأقل شات كتابي ، بالنسبة لقسم خاص بالرّيان ممكن أنه نُظر له من منظور عدم فتح المجال فكل قرية سترغب في فتح قسم خاص بفريقها .
عموماً الأمر مطروح للإدارة وأكيد إنهم راح يقرؤون هذه الأسطر وراح يردون عليك بالتأكيد .
لي طالب كنت ادرسه وكنت اتعامل معه بكل امانة وصدق وما هضمته حقه والله يشهد على كلامي رغم أنه كان مشاغب وكان اسوء طلابي، فاعطيتهم جميعاً حقوقهم بالتساوي، لكنه في الواقع بعد ما انتهى الترم عرض بكلامه بجانب احد طلابي القريبين مني في القبيلة وقال: الله لا يوفقه ذاك المدرس، الله لا يوفقه! وجعل يدعو عليّ دون تريث (والله يا قلم الرصاص قصة حقيقية)، فالسؤال الحين: هل يحق لي كوني معلم سابق ولي فضل عليه أن أستعبده واخليه عبد عني وفقاً للمقولة "من علمني حرفاً صرت له عبداً" أم أجابتك ستكون: متى استعبدت الناس يا متعب وقد ولدتهم امهاتهم احراراً؟ ارجوا يا عزيزي ان لا تكن الاجابة مديحاً لفضل المعلم وصبره وتجلده في سبيل الطالب، فليس هذا غرضي بقدر أن تكون موجهة لكل معلم يعتقد أن بتعليمه يفرض على الطالب احترامه وتبجليه ووضعه في موضع السيد من العبد؟
متعب الأمور تغيرت عما كانت عليه في السابق ، اليوم الطالب يريد أن يكون صديق للمعلم وليس عبداً كما تقول ، بل بالعكس هناك معلمين يخافون من طلابهم بسبب أنظمة وزارة التربية والتعليم ، أنت أدّي رسالتك على أكمل وجه وخله يتكلم زي مايبغى ، صدقني لو أعطيت الطلاب كلهم الدرجة الكاملة فلن تسلم من ألسنتهم ، صديقي كلنا كنا طلاب فهذا المعلم يعجبني وهذا المعلم لايعجبني ولا أرغب بوجوده في الصف وذاك المعلم أريده دائم الوجود معنا ، فهي على مايتمتع به الشخص من كاريزما تجذب قلوب الطلاب وتستهويها ، عموماً يامتعب يبدو لي
بأن الأمر أزعجك كثيراً ، فلا تبالي به لأنه مجرد طالب ذهب وسيأتي يوم يتذكرك فيك ويثني عليك .
سألك ابو عماد سؤال رائع مرواغ وغير مباشر تجاهلته بذكاء بخصوص ذكريات الدراسة وما يتخللها من احداث سواء كانت دراسية وعقليه ومهنية أو حتى عاطفية، وطالبت م ح البحيري بتناول تلك الاحداث في موضوع مستقل. قبل أن يشرع الاستاذ م ح البحيري في بسط اذرع ذلك الموضوع، هل شهدت كما شهدت احداث تدور امامك لا تعرف مسبباتها ودواعيها، إن كانت اجابتك بالإيجاب فما هي الاسباب المؤدية لخلق تلك الظروف؟؟؟ انا شخصياً تناولت الموضوع وفشلت في تحقيق مبتغاه وقد يكون سبب ذلك عدم قبول كلامي كوني غير مؤهل بعد لتناوله، ولكني على ثقة عمياء بأن استاذي القدير والعزيز م ح البحيري قادر على قهر صعابه بتناوله بحياديه مطلقة يستجلب من خلاله كل مسبباته ومحفزاته وبموضوعية وشفافية؟ - إلا اقول وين م ح البحيري ما سألك اسئلته لا يكون رشحك وخلاك لحالك بدون اسئلة، ما يصير والله؟؟ لابد أن يسأل تراه غير معذور، معليش على الشطحة ولكن تذكرت وانا اكتب - الآن المشورة، هل يا ترى نحتاج لطرحه من جديد أم علينا اغفاله كون لا احد يدري وقد يكون تناوله باب مفتوح لمن يريد أن يجرب؟
أما عن الأسباب المؤدية لتلك الأحداث التي ذكرتها ، فأنا لم أقف على تلك الأمور لكي أحللها ، فأنا لاأعدو كوني عضو من ذلك المجتمع شهدت ماشهدته أنت ، مع استنكاري لكل ماكان يحصل .
فنحن بانتظار طرح القضية من م ح البحيري بكل تشعباتها مع عدم تجاهل أي طرف في الموضوع .
بالنسبة لعدم تواجد م ح البحيري لاأدري بصراحة لماذا تأخر ، عذره معه .
اسئلة عشوائية:
ما هو هدفك الوحيد في الحياة؟ قولنا لنا ايش هو خلينا نشاركك فيه همك ونساعدك على تحقيقه؟
صعب يامتعب والله صعب ، يعني أنت وش هدفك الوحيد في الحياة ككل .
إذا كنت ترسم لهدف معين من الحين لين تموت اسمح لي راح أقول أنت ذو نظرة قاصرة ، يا أخوي لكل فترة من الزمن أهدافها حقق أهدافك المرسومة على المدى القصير وانطلق نحو أهداف أخرى ، لو جاء عند واحد وقال هدفي أصير وزير هذا راح يكون غبي ، أول شي لازم تأسس ولاتطالع فوق عشان ماتطيح وتبدأ من جديد .
فأنا لست من أصحاب الأهداف طويلة المدى صدقني يعني لي أهداف شهرية سنوية وأحياناً أستمتع بالحياة دون أهداف ومافي أحسن منها يومك يومك خخخخخخخخ .
من هو معلمك المفضل الذي كنت تفهم عليه وما تنسى تدريسه، بالنسبة لي والله موسى مطر الله يذكره بالخير، انت قول مين معلمك المفضل؟ لا تجي تتفلسف وتقول: كلهم لهم فضل علي؟ فانا ادري ان كلهم لهم فضل علينا جميعاً، لكن افضل واحد يعني؟
طيب وش فيك معصب والله تضحكني بأسلوبك خخخخخخخ
يعني شوف كل واحد وله أسلوبه الخاص بس عاد سرحان علي بركات يبقى الأميز ، وإني من هذا المقام أوجه له تحية خاصة وفقه الله أينما كان فله معزة خاصة في قلبي .
برنامج صادوووه، ايش رايك فيه؟ وكيف نجمت الفكرة وتبلورت إلى مشروع؟؟ اعطينا قصة كفاح؟
برنامج صادوووووووووووووووه
المفروض أنا ماأعطيك رأيي فيه لأني من القائمين عليه ، لكن مادام طلبت رأيي لازم أتكلم ،برنامج صادوووه يامتعب برنامج رائع بمعنى الكلمة يكفيك يا أخي إنه ممكن منتدانا يكون من أوائل من تبنى البرنامج ، ونجح نجاح منقطع النظير وصدقني لم يعطَ مايستحق سواء على مستوى الإدارة أو على مستوى المشرفين والمراقبين يا أخي فكرة البرنامج بحد ذاتها تكفيك ،
وقد نجمت الفكرة من صاحب الأفكار المتجددة المبدع أبو سامي وقد نفّذ بالشكل المطلوب لولا غياب بعض الأعضاء اللي أعاق بعض الحلقات اللي كانت راح تظهر بمظهر جميل ولازلت أحتفظ بحلقات لم تكتمل رائعة ربما ترى النور قريباً ،
طبعاً أبو سامي اختارني لأكون شريكه في هذا البرنامج وأفتخر بأني كنت الشخص المطلوب من بين كل الأعضاء فشكراً لأبا سامي من هذا المقام .
البرنامج كان رائع صدقني وقد فتح لي عدة صداقات أولها أنت يامتعب وتعرفت على كثير من الأعضاء عن قرب ، كان البرنامج جميل في كل شيء فيه لكنه وئِد للأسف ، نعم للأسف تطرح الموضوع ولايرد عليك سوى أعضاء متكررين ولايرد غيرهم ، حتى إدارة المنتدى( 6 إداريين) لم تشكرنا نهائياًّ تخيل والله تحطيم .
صدقني أنا أقولها من حرقة أبو سامي صاحب الفكرة كان من المفروض تكريمه أنا لاأريد تكريم ، ياأخي لماذا لاتتبنى المبدعين لديك أنت بهذه الطريقة تقتل إبداعهم ، ولاحتى رسالة شكر لم نتلقاها .
أضف إلى ذلك برنامج كرسي الاعتراف توقّف وعاد ولم يسأل أحد عن سبب توقفه ولم نتلق ولا كلمة شكر على أي حلقة من حلقاته لا على الخاص ولاعلى العام ، يا أخي لديك نظام الأوسمة لماذا لاتفعله ؟؟؟؟؟؟؟؟؟؟؟؟؟؟؟؟؟؟؟؟؟؟؟
الأعضاء ليسوا مأمورين أو مستأجرين لكي يعملوا بشكل جيد
فمن الممكن أن تصحو ولاتجد لديك أي عضو نشيط يوماً ما
عذراً ولكن فتحت لي باباً أريد التحدث فيه من زمان .
وأرجو ألا يزعل أحد مني ولكني لا أتكلم إلا الحقيقة التي لا ينكرها أحد .
قصة سمعتها اعجبتك تبغى تسمعنا اياها ننبسط معها؟؟؟
تصدق ماعاد لي نفس أكتب .
أخيراً اختم بصور علق عليها براحتك، يعني قول اللي فهمته من الصورة وهل لها رمزية وابعاد اوسع مما يحتمله عقل القاريء الطبيعي؟؟ لا يوجد هناك اجابة صحيحة، تراها فلسفة رائعة اردت من خلالها ان نعرف كيف يفكر قلم الرصاص وكيف يحلل الأمور؟ لا تفكر في الكتابات على الصور وهل هي مفهومة او لا، فكر في رمزيتها وابعادها؟؟؟؟ فكر حتى يؤلمك التفكير؟ خلينا نستمتع ونشوف بماذا خرجت لنا؟؟؟ (من جديد، لا تفكر في الكلمات على الصورة أكثر من ما تحمله من معاني؟؟"،
من المحزن أن أموت مستنداً إلى طاولة متهالكة ولا أجد حولي أحد لن أقول يساعدني بل سأقول يبكي عليّ لا لا سأكون قنوعاً وأقول يفتقدني لا لا سأقول لن أجد أحد يحث عليّ التراب (يدفنني )
من لم يمت بالأسد مات بغيره .... تعددت الأسباب والموت واحد
لاتفسد فرحة الآخرين لمجرد العبث .
طلب الرزق صعب ومع ذلك له حلاوة بقدر مرارته .
طريق النجاح ليس مفروشاً بالورود .
النظام جميل حتى عند البوفيه .
رحم الله امريء اهدى إلي عيوبي، اهدي إليّ عيوبي لكن رسالة خاصة، هههههه؟
أسوي نذالة خخخخخخخخخخخ .
اخيراً، ما ابغى اطول علاك وأطول على نفسي ترى الحين معنا صواقعن الله يكفينا شرها وتعرف انا متصل بالجهاز وخطرة هذه الصواعق،،، فخلني اهترب احسن من أن يرى ما لا يحمد عقباه؟
بعد كل هذي وتقول ماأبغى أطول علاك
هنيكم بالأمطار .
ملاحظة: لا تستعجل علي وتجيب على الاسئلة كلها دفعة واحد، خذها شوية شوية اهم شيء ابسطنا بردودك؟؟؟؟
قسم بالله إني طفشت من ابكتابة لكن يالله .
|
شكراً لتواجدك وعلى أسئلتك الكثيرة .