والنـفـس ماتقـبل عـشـيـرٍ خدعها
لــ( اغاريد السعودية)
الله حكم يازيـن بينـك وبينـي***** دعيت ربي واستجاب وسمعهـا
من عشرتك جفت منابع حنينـي ****** والنفس ماتقبل عشيـرٍ خدعهـا
حتى النظر ماتقبله فيـك عينـي ******* صورتك من عيني خداعك نزعها
حتى ايش لو بالحلم طيفك يجيني ****** ماعاد تشكي له عيوني جزعها
ولاعاد اسولف له بخافي كنيني ******* هجرك قتلني والضماير مزعهـا
لاوا حسايف مدتي لـك يمينـي ******* ياليت ربي في ثوانـي قطعهـا
مديت كفي لك واحسبـك تبينـي *******شيٍ بقلبي لـك يمينـي دفعهـا
من عقب ماجا منك لاترتجينـي *********قلبي عزيز وعنك نفسي رفعهـا