بسم الله الرحمن الرحيم
اخواني الاعزاء هذا قصيدة فكاهية خطرت ببالي وهي من نسج الخيال احببت
ان اشاركم فيها من باب الدعابه لنضفي جو من المرح الى نفوس اعضاء المنتدى
بس اخشى ان يقرئها العزاب وما عاد يقدمون على الزواج 
واليكم القصيدة
جـاني خـوي يشتـكي حـر مافـيه
جاني مبهذل وكل وجهه خدوشي
قـلطـه المجلـس وجـالـس اهــديه
خايف عـليه وقـام عقـلي يطوشي
قال المدام اعطتني القاز وش فيك
وقضيت ليلي نايم (ن) وسط حوشي
تبغى تقضي الصيف في ابها ورغدان
وانا منتـف ما معـي مـن قـروشي
فـقـلت له ياخـوي انا اعهدك جبار
واعهدك لا من ضقت مثل الوحوشي
قـلي قـوية عـيـن سالـيطـت السـان
تسـوقــني قــدامـها كالـطـروشـي
اعطيته المطرق وقلت كون رجال
واجلد ظهرها وكل شي(ن) تنوشي
قام ارتعد وازبد وقال انت غلطان
والله لـو افـعـل تـنـتف رمـوشـي
وشوي واسمع صيحتن داخل الدار
وام العيال تصيح وترمي عفوشي
ضحك وقال الحال ياخوي كالحال
ومسوي المنقـذ وفـيك امغشوشي
قلت البيوت اسرار خليك عـذار
عندك نـتنياهـو وانا عند بـوشي
بقلم اخوكم المحب (الشاعر ابوفيصل)