[الطارقي]

قصيدتي الجديدة في عاصفة الحزم



غاراتنا قامت على شرع وايمان
غارت هل العوجى حصون الجزيره

والقايد الأعلى لها السيف شامان
سلمان عز العُرْب ذخر وذخيره

انت الخليفة للعروبه ياسلمان
وانت السند عند الأمور العسيره

والعاصفه للعدل والحق عنوان
ياصرصرٍ يزهم شهيقه زفيره

دكي معاقل كل فتنه وطغيان
سرب الصقور اهل الفعول الخطيره

هذي صواريخ الشرف تحت شجعان
أسراب عقب أسراب ليل وظهيره

ماتخطي الاهداف والرمي برهان
لو الهدف كبره بحبة شعيره

حنا جنودك ياسلايل كحيلان
حنا على الهيه سيوفٍ شطيره

ارسى من طويق المسمى وثهلان
وآحر من نارٍ تلظى سعيره

يالحوثي المنكوب ياتفلة ايران
ماتدري انا اهل الهقاوي الكبيره

ماسدك اللي شفت في ضلع دخان
راحت ضعونك فـ الفلا مستذيره

واليوم حمنا فوقكم حوم عقبان
انت الذي عينه تشاهد مصيره

يالاجرب اللي جيت محروق - عميان
سافل وشقيته ثياب الستيره

طالح حقير ومالكم فالعرب شان
ياناكر المعروف خوّان جيره

حنا هل الهيجا مصابيح الازمان
وأهل المبادي والوجيه السفيره


شعر / عبدالله سحيم القرني