[الطارقي]

لك الله ياراسن شموخه وفا وامجاد
لك الله ياشيخ الكرم ياسليل الطيب

لك الله ياشيخ" سرج للحياه اجياد
سرجها على هيبه سرجها وله ترتيب

له الصهوه اللي يعتلي سرجها القواد
محنك بطل قايد بلى شك وبلى ريب

على العز والهقوات يمضي بها اﻵماد
يقدم مواجيب" ويوفي مع امواجيب

فصيح اللسان ويقدح الشور قدح زناد
ياسحبان وايل كلك بجنبه عذاريب

لك الله ياليث" ربى في عرين آساد
غنضفر يلبس نمر غابته جلد الذيب

محنك سياسي سيد" من سليل اسياد
عطاه الله الهيبه ويرقى بها مراقيب

نماري بكم ياشيخنا ياطويل الماد
مايلحق مداكم في مﻻكم شباب وشيب

نماري بكم ياللي كتب للشرف ميﻻد
كتب له حياه ودربه فالمهد تدريب

وسار الشرف ميعاده اللي حوى الميعاد
على الحل والترحال ماجنبه تجنيب

نماري بمن سيف الشرف ﻻبسه مجناد
تجند بسيف" له على الهقوه امضاريب

مع الحاضر افخر بك ونفخربك مع الباد
وشرواك يعقل للكرم شامخات النيب

فبرلين وقفتكم لها فالسمو ابعاد
فبرلين كلمتكم مايلحق مداها العيب

تقدم يابن وهاس والجود طبع أجواد
تقدم ياسلطان الشيم منبع الترحيب

على الطيب بن وهاس ماسك زمام اشداد
مضرى على الصمله مجرب لها تجريب

ياشيخ المشايخ مقعدك فالمﻻ مقعاد
على عرش كوكب مجد ركب لكم تركيب

لك الله يا راس" شموخه وفا وامجاد
لك الله ياشيخ الكرم ياسليل الطيب

شعر / عبدالله سحيم القرني