انا المتيم لم يفد اثره القيد
مجنونها والحب واهج غرامه
عزالله انه جاب في قلبي العيد
بانت (سعادي) والجمل من خطامه
والوصل صدره فيه زفره وتنهيد
ياﻻيمه... ماعاد ...فيها مﻻمه
مهما حصل بيني وبينك مواعيد
والوعد مثل العهد ياهل الشهامه
عشقتها والعشق بلوى وتنكيد
واسقيتني يالعشق كأس السآمه
تستاهلين الحب ياشيخة الغيد
شاعرك في واديه يعلن هيامه
كتبت حبك شعر واصبح اناشيد
شعرن مع الركبان يلقى اهتمامه
محبوبتي ياهل الهوى مرتع الصيد
محبوبتي في صفحة المجد شامه
محبوبتي منجم سيوف وبواريد
محبوبتي تاج الحسن والكرامه
محبوبتي فستانها جرهد البيد
والحب فيها ..ماعليه الندامه
محبوبتي حراسها من جﻻميد
تمسك خفارتها ليوم القيامه
محبوبتي منها النبي واﻷسانيد
تثبت كﻻم اللي يبرهن كﻻمه
منها الصحابه والرجال الصناديد
اللي لهم عرش الشرف والزعامه
هذي سعادي حاكمه سيدة سيد
تدرون منهي وانتم اهل الفهامه؟!
هذي تهامه تنجب إﻻ اﻷجاويد
عليها من قلب المولع سﻻمه
سﻻم لتهامه ماناحت بتغريد
على غصون الراك ورق الحمامه
تهامه التاريخ رغم اﻷحاقيد
انا تهامي وافتخر في تهامه
شعر:عبدالله سحيم القرني