بسم الله الرحمن الرحيم
قصيدة تهنئة للشيخ حربان بن موسى شيخ قبيلة بني بحير
حفظه الله
سلام الله على ربعي عدد مافي المجرة نجوم
سلام بريحة الريحان ومن الازهار اطيبها
سلامي ياقنونا من سهول واودية ورجوم
ديار العز والامجاد وبني بحير فازو بها
تحية للشيوخ اللي مضو مع القدر محتوم
شيوخ(ن) طاب ذكراهم ويا مكثر مناقبها
عليهم رحمة الله عد ما المسلم عقد بالصوم
وجعل اقبورهم روضة ونسايم في جوانبها
وعزنا في رجال(ن) شامخين وما تلين اعزوم
مثل حربان بوصافه رحــم منهــو معقبها
الا يا شيخ ياولد الشيوخ بنعلن المرسوم
نعم مانرتضي غيرك وكل الناس معجبها
ازف التهنئة بسمي وعن ربعي اقضي لزوم
انشهد انك كفو وعلوم المراجل انت كاسبها
وحنا السيف في يمناك اذا الحزات فرك اخشوم
ومن يطمع بديرتنا نحسحس من شواربها
املنا فيك ياحربان يالفارس عقيد القوم
تطور في مرافقنا تخطط ثم تحسبها
قبيلتنا في الركب الاخير ومثلكم محشوم
امانينا تحققها وتسعى في مطالبها
عساك العمر والتسديد والصحة عساها دوم
وعسى مثواك في الجنة وتشرب من مشاربها
وسلاااااااااااامتكم