يقول ابو الفيصل بكى عذب الكلام وعلقمه مثله ينوح
قــصـايــدي صافي ذهــب مــثل السبايــك كلها
طوعتها باحلى الكلام والشعر فيه اصدح وابوح
نظمي فريد وسلسبيل وماني بحاجة اعلها
احــب شعــر البحتري وجرير شعره لي يفــوح
شعري بحــر وانا اغترف غـرفة وبريقي ابلها
شفت السحابة في السماء والبرق ذا منها يلوح
تسوقها ســوق الرياح وماقــد رأيــنا ظـلها
الشعــر عندي مثلها وانا الرياح وبه تروح
قريحتي دوماً تجود اطــرب لها وافــلها
عندي مفاتيح القصيد واحب لي مهرة جموح
واللي عقـد روس الحــبال اكــيد عندي حلها
السيف في مالك اليمين والشعر ماني به شحوح
لكن مشكلتي العيــون وسهــامهــا اللي تسلــها
والله لامني ذكرت اطعون في قلبي وجروح
شعري عجز عيني بكت من عقب فرقا خلها
ريم الفلا روحي فداه واموت في وجهه الصبوح
اســر عــيوني بالجمال والروح مني احـتلها
لا غطرفت ست الحسن ما بعد هذي الروح روح
اما حــياة فـيــه شــمـوخ والا الــقــبور احــلها
وسلااااااامتكم