[الفجر البعيـد]

,’


لاح برق المفارق .. والخطاوي رحيل
دلّنــي للــدروب .. وللفنــا دلّنـي !!

هاك كل الرسايل والف شكراً جزيل !
بيّض الله وجهـك دفتري ملّنـي !


خلّني بـ درب عمرك مثل عابر سبيل !
ولا تــدري يكفّي قولتي خلّني !!


مـَ جبرَتك الوصايا .. وكان تبغى دليل !
لو انا فرض ما قلت .. الحق وصلّني !!


يوم كنت القصيد وحلم شاعر نحيل !
ليه رحت وفراقك بالصدر علّني !


ايه رحت وغديت اصعب من المستحيل !
( يعني عيون قافي .. بعدك تهلّني ) !


( حسبي الله على وداعك ونعم الوكيل ) !
شـفت يومك تلوّح كنـّك تذلّنــي !!


وش بقى فـ المحاني غير طيش وعويل !
وش بقى بالورق غير العنا تلّني !


خلّني للمواجع والسهاد الطــويل !
دام بوحي على درب الوصل ضلّني !


وخلّني للطعون ولا تردّ الجميل !
دام هذا الحنين بـ غيبتك شلّني !


وخلّني للمفارق والخطاوي رحيل" !
ولاّ تدري أمانة طالبك ..خلّني !


,’