(شهيق
آآآخذ نفس .. أغمّض عيوني واذكرك ,
ــــــ وتطيح في صدري من الحزن غيمة
ياغايب [ إرجع ] خبّني وسط دفترك
ــــــ عن عين جرحي / أمنياتي السقيمه
قلّ للغياب اللي خذلني | بليّاك
ـــــ لا عاد يشره ليه خنت .. انتظاري !
الليل .. يحبس مابقى من بقاياك
ـــــ والصّبح يشرق كِنّه | إنسان عاري
مدّيت كفّي وصل / ردّته دنياك
ـــــ لين إختنقت .. وطاح فيني جداري
كان الحلم .. عمري أقضّيه ويّاك
ـــــ مات الحلم .. قبل ابتسامة نهاري
ماعاد يغري أي شيٍ لِـ [ لقياك ]
ـــــ دمعي .. عتابي .. شمعتيني .. وداري
صعبة أعيشك شخص منفي من اشياك !
ـــــ سهْلِ بْ يدينك طعنتي .. وانكساري ،
قلّ للغياب اللي هو | أعظم خطاياك
ـــــ ماعاد أحس بشي غير .. احتضاري
, زفير )
أغيب اشْلون ! .......
...... وإنت آخر [ نفس ] فيني !