[ابو نضال]

يأمي ياغلا الدنيا وأصدق عاطفه في الكون

يا أدفى حضن يحضني وأكبر قلب يحويني ..

أنا بك دنيتي جنه وفي بسماتك مطر ومزون

وضحكاتك ربيع أخضر زهوره فتحت فيني ..

إذا شفتك أشوف الدنيا صباح بالفرح مسكون

وإذا غبتي عن عيوني يغيب الفرح عن عيني ..

عشقتك والهوى طفل ربا في خافقي المفتون

كبر هذا الطفل وأصبح غرامه يسبق سنيني ..

أنا يا أمــي تـرى ما أوفـيك مـهـمـا يـكـون

جميلك دين في عمري وربي بك موصيني ..

ومهما عشتلك وافــي بظل الوافـي المديون

لأنك روح في قلبي ودم في شرايـيـني ..