[مطر البحيري]

سيد الجود

يوم القصايد بين حاوي ومردود
جتني تدافع والخطاوي سريعه
نظمت منها عقود و عقود و عقود
و اودعتها اللي ما يضيع وديعه
ويا خادم البيتين يا سيدالجود
يا حاكم الدولة بحكم الشريعة
أنت الفخر والمجد بيديك معقود
ولأمرك جموع الناس جاتك مطيعه
ويا وافي المدة ذرى كل مضهود
يا شامخٍ فيك التواضع طبيعه
شمخت بأفعالك وخلق الله شهود
وحصنت دارك بالحصون المنيعه
وسيفك لنشر الحق والعدل مجرود
يبتر يدين أهل المكر والخديعه
وبذلت في لمّ الشمل كل مجهود
ومبادراتك دايم ن فالطليعه
ويا سيدي لك الغلا ما له حدود
وحبك على روس المنابر نذيعه
وهذي قلوب الشعب تاقف لك حشود
وتبايعك بيعة مهي بأيبيعه
بيعة وفا ما بين سيد و مسيود
تجهر بها أصحاب النفوس الرفيعه
ودامك يابومتعب على الأرض موجود
شعبك بخير وشوفتك هي ربيعه
ووقفتك سالم تروي كبودو كبود
وهي غاية الشعب السعودي جميعه
ويا الله يا رحمن يا خير معبود
ياباسط السبع الفجاج الوسيعه
تحفظ أبومتعب ذرى كل مضهود
اللي حكمنا بالعدل والشريعه