على مفرق بدايات الجروح ودمعة المقهور
عرفت ان الزمن لا شان وجهه ماتت آمالي
أشوف الحزن ماخلا على وجه البسيطه نور
اجر الصوت واغني على جرحي وترحالي
اوسع خاطري وادري تضيق من الهموم صدور
وعسى الله مايطول ضيق الخاطر على بالي
على كثر اتجاهات الوسيعه مالقيت اعبور
اشوف الكون بعيون الجريح وغربته جالي
على كثر المواجع والأسى ياحظي المعثور
امني خاطري واضحك من همومي على حالي
واخفي بعض مافيني وبعضي لاحكى معذور
مادام العمر ماوقف على حزني ولا اطلالي
انا ماألوم اغصان الشجر لا ودعت عصفور
مادام العش ذكرى وش بقى للريح تغتالي
على حر المشاعر وش بقى يا صدري المهجور
نساك الود وعروقك جفاف(ن) مالها والــــي
تمادى الليل بعيون السهر يالخاطر المكسور
وانا مملك من الماضي سوى همي وغربالي
مع ذاك الحنين اللي سرى في ظلمة الديجور
شحب وجه الزمان اللي بغيت ولا تهيالـــي
يطول الصمت ماحرك على بيض النوايا سطور
و انا مهما تناسيت الزمن لابد يطرالـــــــــــي
رآآآآقت لي