[عصر المانوليا]

كل اللاعبين كانوا سيئين والتخدير الإعلامي اللي رُدّد كثيراً وهو تسيّد السعودية واليابان على هذه المجموعة هو الذي القى بظلاله على مستوى منتخبنا وشفتم اليابان كمان ولكن اليابان تلحق بنفسه..
تصريح ياسر قد يكون ردة فعل ولكن لا تخافون الإعتزال الدولي ماله وجود في كرتنا السعودية وياما حاول الدعيع كثيييييير وما فلح.. ما فيه غير يكرفون اللاعب حتى ينتهي بالمرة.
يمكن الكثير حمّلوا ياسر النتيجة لأنه هو اللاعب الوحيد اللي نأمل فيه بعد الله إنه يسجل أو يعمل شيء في المباراة يعني العتب على قدر المعزة..
أنا أستغرب ليش يستغنون عن الجوهر أول ويجيبوا مدرب وإذا ما نفع معهم رجعوا الجوهر بالله قطعة الغيار إذا شلتها من السيارة باقي بترجعها؟؟؟؟؟؟؟؟..
للأسف تعامل قناة لاين سبورت لم يكن إحترافياً عندما أقيل بيسيرو لأنهم قبل أيام كانوا يمدحون الرجال ويطمنون الجماهير وبعد ما شالوه حطوا أغنية فرقاك عادي وأقل من عادي يعني كانوا يضحكون علينا وعلى الإعلام وعلى اللاعبين ليش ما قالوا قبل البطولة فرقاك بتكون عادي لو حدثت ليش النفاق ..بعدين الرجال ما غصبهم بنفسه الأمير سلطان بن فهد هو الذي تعاقد معه والرجال ماقصر بذل اللي عنده وخلاص ما بقى شيء عنده المفروض يكون الوداع إحترافي أكثر من كذا يا لا ين سبورت..معليش ولكن هذي والله غيريتنا على منتخب وطنا..