[سالم الحارثي]

( صحيح انا مخطي )



أبسألك ياصاحبي هل بعد سيدنا محمد كانت العصمه لاحد
وبسألك ياصاحبي هل تعتقد قلبي حجاره أو حديد

أنا بشر ياصاحبي ممزوج من روح وجسد
انا بشر ياصاحبي لاتعتقد اني فريد

أنا بشر ياكثرها اخطائي إذا تبغا تعد
انا بشر مهما يكن فكري فأحيان(ن) يحيد

صحيح انا مخطي وقلبي يعترف لك ماجحد
وصحيح انا ندمان ياليت الندم عندك يفيد

جيتك محمل بالأسف سهران طرفي مارقد
جيتك ادور عفوك المعهود ما ابغا المزيد

اسمع كلامي والله الشاهد ولا غيره شهد
إني أبي ترضى وبعد ارضاك سو الي تريد

اسمع كلامي قلبك الطيب انا اجزم ماحقد
تكفى طلبتك لاتخليني مع احزاني وحيد

يامن تخاوينا على بيض القلوب الناصعه مثل البرد
ويامن ترافقنا الحلوم الطايشه من دون قيد

انا اعترف لك بالخطا وابشر بميثاق وعهد
ماعيدها بس السماح اطلبك قوله ياعنيد




قصيدة اخوكم /
ســـــــــــــــالم الحـــــــــــــارثي